Коронавирус • 16 Тамыз, 2021

Ashyq қолданушыларына әрдайым есік ашық

33 рет көрсетілді

Батыс Қазақстан облысында Ashyq жобасын пайдаланатын кәсіпкерлік нысандарына сенбі, жексенбі күндері де жұмыс істеуге рұқсат берілді.

 Пандемия басталғалы бері Батыс Қазақстан облысында 32 683 адамның коронавирус инфекциясын жұқтырғаны тіркелген. Ал 1 тамыздан бері COVID-19 158 адамнан анық­талды. Науқастың көбі, яғни 553 адам Орал қала­сын­да тіркелген. Сондай-ақ Бөрлі ауданында – 258, Бәйтерек ауда­нында – 229, Теректі ауда­нында – 83, Қазталов ауданында 76 адамның коронавирус жұқ­тыр­ғаны анықталды.

Батыс Қазақстан облыстық санитарлық-эпидемиологиялық бақылау департаменті басшы­сы­ның орынбасары Нұрлыбек Мұстаевтың айтуынша, соңғы аптада өткен аптамен салыс­тыр­ғанда аурушаңдық 11,1%-ға төмен­деген.

Облыста 11 тамыз күні коронавирус диагнозымен 169 науқас жа­ңадан тіркелді. Олардың тең жартысы жұмыс істейтін адамдар болса, 4 пайызға жуығы балабақшаға, лагерге бармайтын балалар екен.

Ashyq қосымшасы «сары» немесе «қызыл» дәрежесі бола тұра карантин тәртібін сақтамай, көпшілік орындарға баратын тұлғаларды анықтауға септігін ти­гізуде. Соңғы аптада ғана осындай 36 адам әшкере болған. Олар­ға Әкімшілік кодекстің 425-бабы, 1-бөлігі бойынша жалпы көлемі 2 289 845 теңге мөлшерінде бар­лығы 53 әкімшілік хаттама толтырылған.

Елі­мізде коронавирусқа қар­сы екпе науқаны басталғалы Батыс Қазақстан облысында вак­ци­наның бірінші компонентін 179 964 адам, екінші компонентін 137 440 адам салдырды. Бүгінде облыс бойынша барлығы 62 екпе пункті жұмыс істеп тұр.

 

Батыс Қазақстан облысы

 

Соңғы жаңалықтар

Ұқсас жаңалықтар