![Нұр-Сұлтанда 37 мекеме жауапкершілікке тартылды](/media/2021/08/16/2e0c050fa8451ff9b00ef7aa0f32df17.jpg)
Есіл ауданында карантин режимін 4 мекеме сақтамаған. Олардың арасында «Pinecone», «Текила» лаундж-барлары, «Loto club» лотерея клубы, «Opus One» мейрамханасы бар.
Сарыарқа ауданындағы «Арна», «El plaza», «Астау» мейрамханаларында, «Pirat bar» және «Skysmoke» кафе-барында да карантиндік шектеулер сақталмаған. Сондай-ақ, тәртіп бұзушылар тізіміне Алматы ауданында орналасқан «Томирис» кафесі де енді.
Айта кету керек, өткен үш күнде Нұр-Сұлтан қаласында 37 мекеме шектеу шараларын сақтамағаны анықталды.
Тәртіп бұзушыларға қатысты материалдар тиісті шаралар қабылдау үшін санитариялық-эпидемиологиялық бақылау саласындағы уәкілетті органға тапсырылды.