Өнер • 17 Тамыз, 2021

Корея кескіндеме көрмесі ашылды

143 рет көрсетілді

Елордадағы Ұлттық музейде ел Тәуелсіздігінің отыз жыл­дығына орай Корея Республикасы елшілігінің Корей мә­дени орталығының ұйытқы болуымен Sumukhwa Monologue атты сиямен салынған кескіндеме көрмесі ашылды.

Көрмеге Кореяның Чолла-Намдо провинциясы мен бас­қа да өңірлерінің талантты қыл­қалам шеберлерінің туындылары ұсынылды. Онда табиғаттың әдемі көріністері мен әлемнің пайда болу жаратылысын өзек еткен философиялық тақырыптар қозғалған.

Мәдени іс-шараның ашы­луында Ұлттық музей дирек­торының орынбасары Абай Сату­балдин көрменің маңызына тоқ­талып: «Қазіргі күні екі ел ара­сындағы байланыс нығайып, жыл сайын екі жақты көптеген іс-шаралар өтеді. Әсіресе Ұлттық музей аталған елдің ғылыми ұйымдарымен бірлескен жобаны қолға алып, археология мен мәдени мұра саласында зерттеу жұмыстарын жүзеге асыруда. Бүгінгі көрменің ашылуы да сол мәдени қарым-қатынастың бір көрінісі», деді ол.

Өз кезегінде Корея респуб­ли­касының Қазақстандағы Төтенше және Өкілетті елшісі Ку Хонг-сок көрмені ұйымдастыруға ұйытқы болған Ұлттық музей ұжымы­на алғысын айтып, халқымызды тәуелсіздіктің айтулы мереке­сімен құттықтады.

– Ел Тәуелсіздігінің 30 жыл­дығы мен ел Президенті Қасым-Жомарт Тоқаевтың Корея рес­публикасына мемлекеттік сапары қарсаңында, сондай-ақ Кореяны азат ету күніне орай өтіп отырған көрме сіздерге жы­лылық сыйлайды деп ойлаймын. Корея елшілігі мен біздің мәдени орталық алдағы таңда да осындай қызықты әрі танымдық іс-шаралар өткізуді жоспарлап отыр,– деп келушілерге ризашылығын білдірді.

Жалпы «Сумукхва» кес­кін­демесі деп басқа түс қоспаған қара сиямен боялған туындыларды айтады. Ол қағаз бетіндегі сызықтар мен бос кеңістіктерге назар аудартып, жарық реңктері мен қара сия градациясы арқы­лы ішкі рухани әлемді көркем кестелейді. Айта кетейік, көрме 17 қа­зан­ға дейін жалғасады.

Соңғы жаңалықтар

Щучинскіде базар өртенді

Оқиға • Бүгін, 09:27

Аң патшасы көбейді

Экология • Бүгін, 07:42

Жер астынан жол шықты

Аймақтар • Бүгін, 07:40

Жеке рекордын жаңартты

Теннис • Бүгін, 07:36

Жаңа бапкер жарылқай ала ма?

Футбол • Бүгін, 07:22

Күйеуінің кітабын сатқан әйел

Әдебиет • Бүгін, 07:20

Журналистика мэтрін еске алды

Егемен Қазақстан • Бүгін, 07:18

Сананы тұрмыс билесе...

Руханият • Бүгін, 07:18

Өркендеу өзегі – өзгеріс

Референдум-2022 • Бүгін, 07:14

Әділетті мемлекет құрудың бастамасы

Референдум-2022 • Бүгін, 07:10

Қолдау білдірді

Референдум-2022 • Бүгін, 07:08

Жастардың әрбір ұсынысы ескеріледі

Референдум-2022 • Бүгін, 07:02

Ұқсас жаңалықтар