ҚазАқпарат агенттігі таратқан мәлімет бойынша, әуежайда қойылған 16 инсталляцияның әрқайсының өзіндік мағынасы бар. Олардың ерекшеліктері үш тілде (қазақ, орыс, ағылшын) жазылып көрсетілген.
«Біздің бүгінгі үш жақты ынтымақтастығымыз яғни Экономикалық зерттеулер институты, Қазақстандағы БҰҰ Даму дағдарламасы және Нұрсұлтан Назарбаев халықаралық әуежайының бірлескен бұл жобасы бойынша алдарыңызда 16 инсталляция тұр, ал 17-ші мақсат осы тұрақты дамуды жүзеге асыратын ол – адам», дейді Экономикалық зерттеулер институты АҚ Басқарма төрағасының орынбасары Бауыржан Мұқан ашылу салтанатында.
Ұйымдастырушылардың мәлімдеуінше, адамдарды қоршаған орта проблемасына назарға аударуға шақырған шара ел Тәуелсіздігінің 30 жылдығы, Экономикалық зерттеулер институтының 60 жылдығы және елорда әуежайының 90 жылдығына арналып отыр.
«Біз заманауи жаһанданудың экологияға зиян келтіріп жатқанына бей-жай қарай алмаймыз. Осы орайда мәселеден тыс қалмауды жөн көрдік. Біздің мекеменің экологиялық кодексі бар және біз оны сақтаймыз. Яғни қоршаған орта мәселесін шешуге бағытталған бастамаларды қуана қолдаймыз. Адамзаттың тұрақты дамуының мақсаттарына арналған осы көрмені бізде өткізуге бірден келісімімізді бердік. Осы инсталляцияларды көрген әуежай жолаушылары адамзаттың болашақ дамуына деген көзқарасын өзгертеді деген ойдамыз», деді Нұрсұлан Назарбаев халықаралық әуежайы АҚ Басқарма төрағасының бірінші орынбасары Дәулет Хамзин.
