Бүгінгі таңда еліміздегі барлық мектеп оқушылардың функционалдық сауаттылығын дамытуға бағытталған жаңартылған мазмұн бойынша жұмыс істейді. Сондықтан орта білім беруді сырттай бағалау моделі жетілдірілді. Енді ОЖСБ - оқу жетістіктерін сырттай бағалаудың орнына білім алушылардың білім жетістіктерін мониторингтеу (МОДБ) енгізілетін болады. Бұған дейін оқу жетістіктерін сырттай бағалау функционалдық сауаттылықты емес, пәндік білімді өлшеу арқылы жүргізілген болатын.
Айта кетейік, МОДБ мемлекеттік бақылау нысаны емес және білім алушылар, оқытушылар мен білім беру ұйымдары үшін заңды салдары жоқ. Әрбір мектеп МОДБ қорытындысы бойынша білім алушылардың оқу жетістігі туралы ақпарат алады. Білім беру ұйымдарында оқыту мен оқытуды дамыту туралы ұсыныс беріледі.
