Аймақтар • 20 Тамыз, 2021

Павлодар тұрғыны кісі өлтіру фактісін жасырған

48 рет көрсетілді

Павлодар облысында 30 жастағы ауыл тұрғыны пәтерлесінің қылмысын жасырды, деп хабарлайды Egemen.kz zakon.kz-ке сілтеме жасап.

Маусым айының соңында Успен ауданының Қозыкеткен ауылында 22 жастағы жергілікті тұрғын танысымен жанжалдасып, оған пышақ жарақатын салған. Зардап шегуші оқиға орнында көз жұмған.

«Ауыл тұрғыны қылмыстың куәгері бола тұра полицияға болған оқиға туралы хабарлаудың орнына, заттай дәлелдемелерден арылуға тырысқан. Ол қылмыс құралы мен марқұмның заттарын жасырған», деп түсіндірді Павлодар облыстық полиция департаменті бастығының бірінші орынбасары Жасқайрат Қайыров.

Павлодар облысының ПД хабарлағандай, күдіктілер қылмыс жасағаннан кейін ауданнан кетуді жоспарлаған, бірақ бірнеше сағаттан кейін полиция олардың ізіне түсіп, қамауға алған.

Қылмыскерге қатысты ҚР ҚК 106-бабының 3-бөлігі бойынша сотқа дейінгі тергеу амалдары жүргізілуде. ҚР ҚК 432-бабы бойынша қылмысты жасырған әйелге қатысты сотқа дейінгі тергеу басталды.

Соңғы жаңалықтар

Қоңырқай болмыс

Руханият • Кеше

Желтоқсандық журналист

Қазақстан • Кеше

Піл

Өнер • Кеше

Ұқсас жаңалықтар