«1 тамыздан бастап коронавирус таралуының индексі 14 пайызға төмендеді. Төсек-орындардың жүктемесі 52 пайызды құрап отыр. Жансақтау бөлімі 48 пайызға толық. Вакцинация халық арасында жалғасып жатыр. Бүгінгі таңда 11,1 млн доза вакцина пайдаланды. Оның ішінде 6 млн-нан астам адам алғашқы компонентті, 4 млн-нан астам адам екінші компонентті алды. Республикаға «Синофарм» қытай вакцинасының 1 млн дозасы жеткізілді. Оның 659 мың вакцина дозасы егу пункттеріне жеткізілді. Бұл вакцинаны 38 мыңнан астам адам алды. Егу пункттерінде жалпы 1 млн-нан астам алғашқы компонент, 940 мың екінші компоненттің дозасы бар», деді ол.
