Кеше Парламент Сенатының Төрағасы Қасым-Жомарт Тоқаев Грузияның Қазақстандағы Төтенше және өкілетті елшісі Паата Каландадзені оның өтініші бойынша қабылдады, деп хабарлады осы палатаның баспасөз қызметі.
Кездесу барысында Қазақстан мен Грузия арасындағы ынтымақтастықты одан әрі нығайту мәселелері талқыланды.
П.Каландадзе Қазақстан-Грузия қатынастары, “тұтастай алғанда үйлесімді және қарқынды” екенін айта келіп, парламентаралық үнқатысуды белсенділендіру туралы ойларымен бөлісті.
Қ.Тоқаев өзара екіжақты іс-қимылды нығайтуға Қазақстанның мүдделілігін атап өтіп, парламентаралық байланыстарды дамытудың маңыздылығына тоқталды.
Дипломат “ЕҚЫҰ-ның Еуразиялық өлшемі” Трансазиялық парламенттік форумының жұмысына грузин парламентшілерінің қатысатынын нақтылады.
Форум үстіміздегі жылғы 14-16 мамырда Алматыда өтеді. Бұл шара аясында аймақтық қауіпсіздік, экономикалық даму, ЕҚЫҰ-ның адам өлшемі мәселелеріне арналған үш сессиясын өткізу жоспарланып отыр.
Соңғы жаңалықтар
Бурабайдағы Мультимедиалық интерактивті кешенге келушілер көп
Аймақтар • Бүгін, 01:26
Аяз, көктайғақ: 16 облыста дауылды ескерту жарияланды
Ауа райы • Бүгін, 00:16
2027 жылы Астанада бокстан әлем чемпионаты өтеді
Спорт • Кеше
Алматы облысының меншігіне 86 мың га жер қайтарылды
Аймақтар • Кеше
