Солтүстік Қазақстан облысының тумасы, Лондон Олимпиадасының чемпионы Александр Винокуровтың есімі «Гиннестің рекордтар кітабына» енді. Бұл туралы egemen.kz тілшісі хабарлады.
«Гиннестің рекордтар кітабы» Винокуровтың 2000 жылы Олимпиаданың күміс медалі мен 2012 жылы араға 12 жыл салып, Олимпиада чемпионы атағын жеңіп алғаны үшін рекордтар кітабына енгізді.
Александр Солтүстік Қазақстан облысындағы Бескөл деген ауылда туған. Ол 2000 жылы Олимпиадаға қатысқан кезде «Deutche Telekom» командасының капитаны Ян Ульрих пен Андреас Клёдэнмен бірге мәреге бірінші келіп, жүлделі орындарды өзара бөліскен еді. Сол кезде Ян алтын медалдьі, Александр күміс жүлдені алса, Адреас үшінші орынды иеленген болатын.
Соңғы уақытта Ульрихтың допинг қолданғаны жайлы көп айтылып жүр. Егер мұнысы әшкере болса, Сиднейдің алтын медалі Винокуровқа алып беріледі. Ал Лондонда жасы 40-қа жақындап қалған Александрдың 250 шақырымдық жарыста бір топ спортшының бұрылыста құлаған сәтін сәтті пайдаланып, алтын жүлдені жеңіп алғанын білеміз.
Дастан Кенжалин.
Дереккөз:proteam-astana.com
