Облыстық полиция ұсынған мәліметке сәйкес, облыс тұрғындарын 6 миллион теңгеге алдап кеткен алаяққа қатысты 10 қылмыстық іс қозғалған.
Зардап шеккендер қатарында Есік қаласы мен Бәйдібек, Көксай, Саймасай және Бәйтерек ауылдарында тұратын зейнеткерлер, жалғызбасты аналар, 33 жастан 73 жасқа дейінгі мүгедектер бар.
«Алаяқтың айтуынша, ол өз құрбандарын құжаттарды рәсімдеу үшін келген ХҚКО-да тапқан. Өзін сауатты маман ретінде таныстырып, оларға зейнетақы немесе балаларға арналған жәрдемақыларды рәсімдеуді ұсынған. Екі жыл ішінде қаскүнем қарапайым азаматтардан 170 мыңнан 1,5 миллион теңгеге дейін ақша алып, оны өз қажеттіліктеріне жұмсаған», деп хабарлады тергеуші Асқар Қызайбаев.
