Облыс әкімінің айтуынша, өңір мектептері жаңа оқу жылына дайын. Қазіргі уақытта жаңадан салынған білім ордаларына қабылдау жүріп жатыр. Барлық 647 мектеп «Ashyq» бағдарламасына қосылған. Мектептерде медицина кабинеттері толықтай жабдықталған. Оқытушылар мен техникалық қызметкерлер толықтай COVID-19 инфекциясына қарсы вакцина алды.
«Жұқпалы ауру кең таралып кетпес үшін оқу процесі дәстүрлі, қашықтан және аралас форматта ұйымдастырылады. Оқушыларды мектепке жеткізу өте өзекті мәселелердің бірі. Бүгінгі таңда 134 білім беру мекемесінде осындай қиындық бар. Биыл қосымша 26 автобус сатып алдық. Білім басқармасына жағдайды талдап, тағы қанша автобус қажеттігі туралы ақпарат беруді тапсырдым», деді Даниал Ахметов.
