Әлеуметтік желілерде Алматы-Қапшағай тас жолының бойында жанып жатқан автокөліктің видеосы пайда болды.
Алматы облысының ТЖД 25 тамызда сағат 12.25-те Қапшағай қаласындағы Алматы-Өскемен тас жолының бұрынғы ЖПҚ бекетінің жанындағы учаскесінде жанып жатқан шағын автобус туралы хабарлама келіп түскенін растады.
ТЖД Toyota Hiace машинасының өртену себебі автокөлік қозғалтқышының бөлігіндегі техникалық ақаулық болуы мүмкін екенін айтты.
Оқиға орнына келген өрт сөндірушілер 12.45-те төрт қызметкер мен бір техниканың күшімен өртті сөндірді.
Қаза болғандар мен зардап шеккендер жоқ.
