Атыраулық спортшы 60 келіге дейінгі салмақта әзербайжандық Вугар Ширинлимен татамиге шықты. Белдесу барысында алдымен В.Ширинли вазаримен алға шықты.
Іле-шала Ә.Сариев таразы басын теңестірді. Жекпе-жек соңына таман әзербайжандық дзюдошы тағы бір вазари еншілеп, таза жеңіп кетті. Ә.Сариев Рио паралимпиадасына да қатысып, одан жүлдесіз қайтқан болатын.
Енді, міне, бұл жолы күміс медальға қол жеткізіп отыр. Бұл – Қазақстан қоржынына түскен екінші медаль.
Кеше Давид Дегтярев пауэрлифтингтен алтын жүлдені иеленген еді.
