Закия Худадади мен Хосейн Расули өткен аптаның соңында құтқарылған. Олар «Талибан» бақылауындағы елден Францияға эвакуацияланды.
«Закия мен Хосейн Токио-2020 Паралимпия ойындарына қатыспақ. Олар қазір өз армандарын орындау үшін Токиоға келді. Осылайша, әлемнің көптеген еліне үміт сәулесін сыйлады», деді комитет басшысы Эндрю Парсонс.
Екі спортшы Ауғанстаннан Францияға жеткізілген соң, бір апта Парижде Францияның спорт министрлігінің оқу орталығында болған. Олар сенбі күні кешке Токиодағы Паралимпиадалық ауылға жетті.
Худадади 2 қыркүйекте әйелдер арасында таэквондодан 44-49 кг салмақ дәрежесінде сынға түседі, ал Расули ерлер арасындағы жеңіл атлетика бәсекесінде 400 метрге жүгіреді.
