![Өзбекстан ауған босқындарын қабылдаудан бас тартты](/media/2021/08/31/bosk.png)
Министрлік мәліметінше, қазіргі уақытта шекара жабық және «Термез» өткізу бекеті арқылы құрлықтан өту тоқтатылды, сонымен қатар ел аумағы арқылы транзитпен жүрген Ауғанстан азаматтары мен шетелдіктерді эвакуациялау тек әуе жолымен жүзеге асырылады.
«Шекарадан өтуге жасалған кез келген әрекет себебіне қарамастан Өзбекстан Республикасының заңнамасына сәйкес жауапқа тартылады. Соңғы 12 күн ішінде Өзбекстан бірқатар мемлекетке эвакуация үшін гуманитарлық операцияларды жүзеге асыруға көмектесті», делінген хабарламада.
Ауғанстандағы жағдай шиеленіскеннен кейін Өзбекстан босқындарды көрші мемлекеттен эвакуациялау тізбегінде аялдама ретінде әрекет етеді. Германиядан басқа ЕО азаматтарын Ташкент арқылы, Польша үкіметі Навои әуежайы арқылы, Венгрия Үкіметі Бұхара әуежайы арқылы өз елдеріне эвакуация жасайды.