Аймақтар • 31 Тамыз, 2021

14 жастағы оқушыны масқаралаған 4 жігіт ұсталды

1174 рет
көрсетілді
1 мин
оқу үшін

Алматы облысында 14 жасар оқушыны зорлады деген күдікпен 4 жігіт қамауға алынды, деп хабарлайды Egemen.kz.

14 жастағы оқушыны масқаралаған 4 жігіт ұсталды

4 күдіктінің үшеуі 17 жаста, тағы біреуінің жасы 18-де. Қазіргі уақытта олар қамауда отыр.

Аталмыш оқиға Текелі қаласында орын алған. Алматы облыстық полиция департаментінің баспасөз қызметі оқиғаны растады.

«10 шілде күні Текелі қалалық полиция бөліміне 36-жастағы Ескелді ауданының тұрғынынан оның 14-жасар қызы зорланғаны туралы арыз түскен. Жедел іздестіру шаралары барысында 4 күдікті анықталды. Олардың біреуі 18 жаста, ал қалған үшеуі 17-і жастағы Текелі қаласының тұрғындары болып шықты. Қазіргі таңда ҚР қылмыстық кодексінің 120 бабының 3 бөлігімен қылмыстық іс тергелуде, іс бойынша бірқатар сараптамалар тағайындалды. Күдіктілер қамауға алынды», деп хабарлады Алматы облысы ПД баспасөз қызметі.