Руханият • 01 Қыркүйек, 2021

«Balapan» телеарнасы күзгі маусымда 13 жаңа жоба ұсынады

719 рет
көрсетілді
1 мин
оқу үшін

«Balapan» телеарнасы 6 қыркүйек күні жаңа телевизиялық маусымын түрлі жанрдағы 13 жаңа туындымен ашады. Эфирден трендтегі мульткейіпкерлер негізінде жасалған жаңа қаһармандарды, Live форматындағы реалити шоулар мен телехикая көруге болады. 13 жобаның – 10-ы анимациялық хикая, 2-і бағдарлама, 1-і телехикая, деп хабарлайды Egemen.kz ҚР Ақпарат және қоғамдық даму министрлігінің ресми сайтына сілтеме жасап.

«Balapan» телеарнасы күзгі маусымда 13 жаңа жоба ұсынады

Атап айтар болсақ, «Үздік қойылым» телехикаясы еңбек пен бірлікке шақырады, ал «Толағай» бағдарламасы сайыс жағдайында отбасын біріктіреді. «Кітап қананың» әр шығарылымында қазақ балалар әдебиетінен бір шығарма мазмұндалады. «Маржан тіс» 3D анимациялық фильмі ауыз гигиенасының маңыздылығын үйретсе, «Көңілді көкөністер»(3D) дәрумендердің бала ағзасына пайдасы туралы өздері айтады. Ал «Ғарышкер бала Жігерден»(2D) талапты балақайды таниды. «Сұлтан Бейбарыс» пен «Қаһарман» мультфильмдерінен байырғы дәуірге саяхаттаса, «Әсем әуен» мен «Күй қанатында» атты 3D форматындағы мультфильмдерінен музыкадан хабардар болады.

Әлемдік тренд – трансформер тақырыбында «Трансформер Тұлпар» атты мультхикая ұсынылмақ. Сонымен қатар, арнадан шытырман оқиғаға толы «Сарбаздар»(3D) және жаңа технологиялармен таныстыратын «Білгішбектер» мультипликациялық сериалын көруге болады.