Саясат • 02 Қыркүйек, 2021

Адам саудасына қарсы іс-қимыл мәселелері талқыланды

60 рет көрсетілді

Еңбек және халықты әлеуметтік қорғау министрлігі бейнеконференция режімінде адамдарды заңсыз әкетуге, әкелуге және сатуға қарсы күрес мәселелері жөніндегі ведомствоаралық комиссияның 41-отырысын өткізді.

Кеңеске Жоғарғы сот, Бас прокуратура, Ұлттық қауіпсіздік комитеті, Қаржы мони­торингі агенттігі, 8 министрлік, Пре­зи­дент жанындағы Адам құқықтары жөнін­дегі комиссия, Адам құқықтары жө­нін­дегі ұлттық орталық, жергілікті атқару­шы органдар мен ҮЕҰ өкілдері қатысты.

Ел Үкіметінің Адам саудасына байланысты қылмыстардың алдын алу, болдырмау және оған қарсы күрес жөніндегі 2021-2023 жылдарға арналған іс-шаралар жоспарының орындалу барысы туралы отырысқа қатысушыларды Еңбек және халықты әлеуметтік қорғау министрлігі Әлеуметтік қызметтер саясатын дамыту департаментінің директоры Альбина Боранбайқызы хабардар етті.

«Биыл 26 мамырда өткен ВАК-тың 40-отырысының қорытындысы бойынша, адам саудасына қарсы іс-қимыл сала­сын­дағы нормативтік құқықтық акті­лер­ді жетілдіру шеңберінде Әлеуметтік кодекс тұжырымдамасына Қазақстан аумағын­да уақыт­ша болатын шетелдік адам сау­дасы­ның құрбандарына арнаулы әлеуметтік қыз­­меттер көрсетуді қарастыратын норма ен­гізілді. Қазіргі уақытта бұл норма мемле­кет­тік органдармен келісуден өтуде», деді ол.

Сондай-ақ ВАК-тың 40-отырысында барлық өңірдің әкімдіктеріне биылғы 14 маусымға дейінгі мерзімде өңірлік комиссиялардың отырыстарын өткізу тапсырылғанын атап өтті. Алайда бірінші жартыжылдықтың қорытындысы бойынша өңірлік комиссиялар Шығыс Қазақстан, Жамбыл, Маңғыстау және Павлодар об­лыстарында өткізілмеді.

«Кешенді, бірлескен немесе келісіл­ген ведомствоаралық, профилактика­лық және жедел-іздестіру іс-шараларын жүргізу шеңберінде наурыз және маусым айларында ішкі істер органдары республика аумағында «STOP трафик» жедел алдын алу іс-шараларын жүргізді. Оның қоры­тындысы бойынша ІІМ аумақтық бөлім­шелері Қылмыстық кодекстің түрлі баптары бойынша 87 сотқа дейінгі тер­геуді бастады (қанау мақсатында адам ұрлау, қанау мақсатында бас бостан­дығы­нан заңсыз айыру, кәмелетке толма­ғанды жезөкшелікпен айналысуға тарту, кәмелетке толмағандарды саудаға салу, жезөкшелікпен айналысуға тарту, жезөкшелікпен айналысуға арналған притондар ұйымдастыру немесе ұстау және жеңгетайлық)», деп толықтырды Әлеуметтік қызметтер саясатын дамыту департаментінің директоры.

Бұдан басқа, отырыста Қазақстан аумағында уақытша тұратын шетелдіктерге және адам саудасының құрбаны болған азамат­тығы жоқ адамдарға арнаулы әлеу­меттік қызметтер көрсету бөлігінде қол­даныс­тағы заңнамаға өзгерістер мен толық­тырулар енгізу мәселелері қарал­ды. Осыған байланысты Еңбекмині 9 заңна­малық актіге: Қазақстан азаматтарымен тең дәрежеде тегін медициналық көмектің кепілдік берілген көлемін, құқықтық консультация беру, сондай-ақ соттарда, қылмыстық қудалау органдарында, өзге де мемлекеттік органдар мен мемлекеттік емес ұйымдарда мүдделерді қорғау және білдіру түріндегі мемлекет кепіл­дік берген заң көмегін, бастауыш, негіз­гі ор­та және жалпы орта білім, арнау­лы әлеу­меттік қызметтердің кепілдік беріл­ген көлемін, жұмыспен қамтуға жәрдем­десу­дің белсенді шаралары – жаңа кәсіби білім, жұмысқа орналасу шарасын және т.б. алу­ға құқық беру бөлігінде түзетулер енгізуді талап ететін ұсыныстар дайындады.

«Заңнамаға ұсынылған түзетулер барлық мүдделі мемлекеттік органмен бірге талқыланып, қолдау тапты. Бұл нормалар шетелдік адам саудасының құрбан­дарына көрсетілетін көмек көлеміне тең дәрежеде қол жеткізуге мүмкіндік береді. Олардың тергеу мен қылмыстық қудалауға тартылуына қарамастан, әлеуметтік көмек көрсетуді қамтамасыз етуге мүмкіндік береді», деді А.Боранбайқызы.

Отырыс қорытындысы бойынша ведомство­аралық комиссия: мемлекеттік органдар мен облыстардың, Алматы, Нұр-Сұлтан, Шымкент қалаларының әкімдіктеріне Қазақстан Республикасы Үкіметінің Адам саудасына байланысты қылмыстың алдын алу, жолын кесу және оған қарсы күрес жөніндегі 2021-2023 жылдарға арналған іс-шаралар жоспарының уақтылы және сапалы орындалуын қамтамасыз етуді, мемлекеттік органдарға «Қазақстан Республикасының кейбір заңнамалық актілеріне мүгедек адамдардың өмір сүру сапасын жақсарту мәселелері бойынша өзгерістер мен толықтырулар енгізу туралы» заң жобасын Қазақстан аумағында уақытша тұратын шетел­діктерге және адам саудасының құрбан­дары болған азаматтығы жоқ адамдарға ССБ беру бөлігінде келісу процесін жедел­детуді; облыстардың, Алматы, Нұр-Сұлтан, Шымкент қалаларының әкімдіктеріне осы жылдың екінші жартыжылдығында адамдарды заңсыз әкетуге, әкелуге және сатуға қарсы күрес мәселелері бойынша өңірлік комиссия отырыстарын өткізуді ұсынды.

Еске сала кетейік, өзара іс-қимылды үйлестіру үшін ВАК-қа төрағалық ету ротациялық негізде жүзеге асырылады.

Соңғы жаңалықтар

15169 адам коронавирус жұқтырды

Коронавирус • Кеше

Ұқсас жаңалықтар