2021 жылдың сәуір-маусым айларында бұқаралық ақпарат құралдары Ресейде қышқыл сүт өнімдері түрінде вакциналар шығарыла бастады деген хабар таратқан. Сол кезде ғалымдар аталмыш препараттарды әзірлеу бойынша жұмысты енді бастаған. Алайда, Covid-19-дан қорғайтын йогурттар, айран және ашытылған сүт өнімдері ресми түрде клиникалық сынақтан өтпеген және нарыққа кірмеген.
Мұндай ашытылған сүт өнімдері мектеп асханаларында балаларға міндетті түрде беріледі деген қауесет ақпаратты Денсаулық сақтау министрлігі жоққа шығарды.
«Бұл ақпарат шындыққа жанаспайды. Қазақстанға азық-түлік түріндегі ешқандай вакцина әкелінген жоқ», деп хабарлады ведомствоның баспасөз қызметі.
Осылайша, мектеп асханаларында КВИ-ге қарсы иммундау препараттары бар сусындар мен өнімдер ұсынылмайды, деп жазады басылым.
Еске сала кетсек, елімізде балаларды вакцинациялау тек ата-аналардың немесе қамқоршылардың жазбаша келісімімен ғана мүмкін болады.
