Урбанизация – қоғамның дамуындағы қалалардың, қалалық мәдениеттің және «қалалық қатынастардың» рөлін арттыру, шоғырлану тек қалада ғана емес, сондай-ақ ауылдық жерлерге жұмыс күштерін қайтару мәселесі қажеттілігінен туындап отыр. Ауылды сақтап қалу керек. Ауыл агломерациясын кешенді түрде қайта жоспарлау көзделіп отырған мәселе. Өткен ғасырдағы нормативпен салынған қалақұрылысы мен ауылдық жерлердегі шашырап жатқан кішігірім ауылдардың инфрақұрылымын қайта қарауды талап етеді. Білім саласындағы реформа ауылдық жерлерде өзекті болуына байланысты, қала-ауыл деп бөлмей, білім сапасының еліміз бойынша бірыңғай жүйеде болғаны маңызды. Сондай-ақ жаңа IT-технологиясын елімізде дамыту қажеттілігі бойынша Президент өз Жолдауында мәлімдеп өтті.
Ауылдық жерлерді ықшамдап бір жүйеге келтіру, экономикалық жағынан тиімді болатыны анық. Қала құрылысында жаңа архитектура жүйесі әлеуметтік салт-дәстүрді сақтау, халқымызға тән бейбітшілік, тыныштық, сабырлық, сыйластық қоғамды қалыптастыруға әсерін береді. Сонымен қатар мүсіншілер тек демеушілер тарапынан ғана емес, мемлекет тарапынан да қолдау көруі керек деген сөз жанға жағады.
Қысқасы, Президентіміздің Жолдауында айтылған барлық мәселе елімізді жаңа белестерді бағындыруға жетелейді деп сенемін.
Жандарбек МӘЛІБЕКҰЛЫ,
Л.Н.Гумилев атындағы ЕҰУ профессоры, Мемлекеттік Елтаңбаның авторы