Президент • 06 Қыркүйек, 2021

Қамқорлық лебі еседі

214 рет
көрсетілді
1 мин
оқу үшін

Президент Қасым-Жомарт Тоқаевтың «Халық бірлігі және жүйелі реформалар – ел өркендеуінің берік негізі» атты бұл Жол­дауында айтылған бірден есте қалатын бірнеше мәселе болды.

Қамқорлық лебі еседі

Соның біріншісі, ең төмен­гі жалақы Жаңа жылдан бас­тап көтеріледі. Екіншісі, көп ұзамай аудан әкімдерін де халықтың өзі сайлайды. Үшін­­шісі, шапшаң дамуымыз үшін 100 мың ІТ-мамандары да­йындалады. Төртіншісі, Қазақ­станның қорғаныс доктринасы жетілдіріледі. Сондай-ақ ауыл шаруашылығының тұралау себептерінен бірнеше іс-шара қабылданады. Одан кейін оңтүстіктен солтүстікке көшуші кәсіпкерлерге жер бөлу мәселесінің де басы ашылды. Ал білім саласында 2025 жылға дейін 1000 мектеп салынады. Мұның бәрі қоғамның һәм халық әлеуметтік ахуалының алға жылжуына сөзсіз әсер ететіні анық.

Ел дамуының бірден-бір кепілі – ішкі бірлігіміз. Ел Президенті осы ішкі бірлігіміз­ді сақтауда зиялы қауым өкіл­дерінің рөлін ерекше атап өтті. Сонымен қатар қазақ тілі қоғамдық өміріміздің әр саласында қолданылып жүргеніне де тоқталды. Ал Ата Заңымызда ресми тіл деп таңбаланған орыс тілін пайдаланушыларға кедергі келтірмеу керек деді. 

Жолдауда, тұтастай алғанда, бүгінгі Қазақстанның алдында тұрған шешілуге тиіс өрісті де өзекті мәселелер көтерілді. Көңілге қонатын уәждер айтылды. Ең бастысы, Жолдаудың өн бойынан халыққа деген қамқорлық лебі есіп тұрды.

 

Смағұл ЕЛУБАЙ,

жазушы, кинодраматург