Ақпаратты әлеуметтік желілерде оқиғаның куәгерлері мен зардап шеккен қыздың жақындары таратты.
«5 қыркүйек күні бес жасар қыз ата-анасымен бірге «Радуга» демалыс орнына келген. Анасы мен қызы кірекейді тамақтандырмақ болған. Басында кірекей өзін жақсы ұстаған, кейін қыз бала өз бетінше торға жақындаған. Осы кезде кірекей қызды аяғынан тартып, оны бірнеше рет тістеген. Баланың ата-анасы құтқарып алған. Жіліншігі тістелген бала облыстық балалар ауруханасына жеткізілді», делінген хабарламада.
Болған оқиға расталды, аталмыш факті бойынша Қостанай ауданының полиция бөлімі ҚР ҚК-нің 114-бабы «Денсаулыққа абайсызда зиян келтіруге» сәйкес соталды тергеуді бастады. Ол 80 АЕК көлемінде айыппұл немесе сол көлемде түзеу жұмыстарын, немесе 20 тәулікке бас бостандығынан айыруды қарастырады.
Бастапқы тергеу әрекеттері жүргізілді. Демалушылар қазіргі кезде кірекейдің демалыс орнының аумағында торда екенін хабарлап жатыр. Оның жанында ескерту мақсатында сақтық шараларын сақтау керектігі туралы тақтайшалар қойылған.
