Кездесу Қазақстанның Бразилиядағы Елшісі Болат Нүсіпов және Бразилияның Қазақстандағы Елшісі Рубем Антонио Корреа Барбоспен онлайн форматта ұйымдастырылды.
Тараптар өзара ынтымақтастықтың бірқатар бағытын белгіледі. Оның ішінде екі ел арасындағы сауда мен инвестицияларды дамытудың басым мәселелері мен перспективаларын айқындау үшін әр елдің жеке секторымен консультациялар өткізу, бизнес өкілдерінің бірлескен кездесулерін ұйымдастыру, кәсіпкерліктің құқықтық жағдайы туралы ақпарат алмасу және т.б.
Кездесу барысында Б.Бекенов QazIndustry АҚ-ның CNI-мен ынтымақтастығы екі ел кәсіпкерлері арасындағы тікелей іскерлік байланыстарды кеңейту, бірлескен кәсіпорындарды ұлғайту, елдер арасындағы тауар айналымын арттыру түрінде нақты нәтижелер беріп, Қазақстан мен Бразилия арасындағы екіжақты қатынастардың дамуына серпін беретінін атап өтті.
Алдағы қараша айында Қазақстан мен Бразилия арасындағы іскерлік кеңестің бірінші отырысы өтеді.
Қазақстан мен Бразилияның жалпы тауар айналымы 2021 жылдың алғашқы 6 айында өткен жылдың сәйкес кезеңімен салыстырғанда 4 есе өсті. Сонымен қатар соңғы 5 жылда Қазақстанның Бразилияға экспорты айтарлықтай артты. 2016 жылдан бастап 2020 жылға дейін 100%-ға дейін ұлғайды (25 млн доллар). Бразилия нарығына күкірт, ферроқорытпа, қара металл бұйымдары экспортталды. Бразилия Қазақстанға жержаңғақ, тамақ өнімдері, амин қосылыстары, құбырлар, қозғалтқыштар және т.б. тауарларын әкеледі.
Айта кетелік, Бразилия ұлттық өнеркәсіп конфедерациясы – Бразилия индустриясының өкілі болып табылатын ресми және жоғары деңгейлі ұйым. CNI Бразилияның 27 федералды өнеркәсіп федерациясын және 1 245 салалық жұмыс берушілер кәсіподағын ұсынады, оған 700 мыңға жуық компания кіреді. Құрылғаннан бері CNI Бразилия қоғамында жетекші рөл атқарды, негізгі ұлттық мәселелерді, әсіресе Бразилия өнеркәсібі мен экономикасының тиімділігіне әсер ететін мәселелерді талқылауға және консенсусқа қол жеткізуге ықпал етті. Сонымен қатар CNI ұлттық өнеркәсіпті зерттеуді, инновацияны және технологиялық дамуды алға тартады. Сонымен қатар бүкіл ел бойынша қызметкерлердің жағдайын, әлеуметтік мәртебесін және дайындығын жақсартуға бағытталған бастамаларды қолдайды.
«Егемен-ақпарат»
