Тағайындау • 07 Қыркүйек, 2021

Асқар Мамин Маңғыстау облысының активіне жаңа әкімді таныстырды

39 рет көрсетілді

ҚР Премьер-Министрі Асқар Мамин мен ҚР Президенті Әкімшілігінің басшысы Ерлан Қошанов Маңғыстау облыстық мәслихатының кезектен тыс сессиясына қатысты, деп жазады Egemen.kz.

Жиында өңір әкімі лауазымына Мемлекет басшысы Қасым-Жомарт Тоқаев ұсынған Нұрлан Ноғаевтың кандидатурасына бірауыздан қолдау білдірілді.

1

Маңғыстау облысының активімен өткен кеңесте А. Мамин Серікбай Трұмовтың өңірді дамытуға қосқан үлесін атап өтіп, облыс басшысы лауазымында атқарған жұмысы үшін алғыс айтты.

Жаңа әкімді таныстыра отырып, Үкімет басшысы оның өңірлік және республикалық деңгейдегі басшылық лауазымдарда атқарған мол еңбек тәжірибесін атап өтті.

«Жаңа әкімнің алдына өңірдің кешенді әлеуметтік-экономикалық дамуы бойынша маңызды міндеттер қойылды. Мемлекет басшысы Қасым-Жомарт Тоқаев Маңғыстау облысының дамуына ерекше көңіл бөледі. Өңір өнеркәсіп, энергетика, көлік-логистика және туристік салаларда зор әлеуетке ие», деді А. Мамин.

Премьер-Министр инвестициялар тарту, жаңа жұмыс орындарын құру, кәсіпкерлікті қолдау, халықтың тұрмыс сапасын жақсарту және табысын арттыру жөніндегі міндеттерді шешудің маңыздылығын атап өтті.

2

Нұрлан Ноғаев 1967 жылы туған.  И. Губкин атындағы Мәскеу мемлекеттік мұнай және газ академиясын, Қазақ мемлекеттік басқару академиясын, Ресей СІМ «Халықаралық қатынастар университеті» Мәскеу мемлекеттік институтын бітірген.

Әр жылдары «ҚазМұнайГаз» ҰК» АҚ, ҚР Энергетика және минералды ресурстар министрлігінде басшылық қызметтер атқарды, Батыс Қазақстан және Атырау облыстарының әкімі болды.

2019 жылғы 18 желтоқсаннан бастап ҚР энергетика министрі қызметін атқарды.

Соңғы жаңалықтар

Цифрландыру – өзекті мәселе

Үкімет • Бүгін, 00:49

БҰҰ-ның Жаһандық шартына қосылды

Экономика • Бүгін, 00:34

Жеті түрлі сөз

Әдебиет • Кеше

Антына адал азамат

Қазақстан • Кеше

Елорда күніне тарту

Театр • Кеше

Ұқсас жаңалықтар