Елорда • 07 Қыркүйек, 2021

Нұр-Сұлтанда ағаш отырғызу экоакциясы басталды

86 рет көрсетілді

Елорданың Президент саябағында экологиялық акцияға қатысушылар – қоғамдық ұйымдардың өкілдері, еріктілер, елордалық жастар және қалалық мәслихат депутаттары 200-ден астам ағаш отырғызды, деп хабарлайды Egemen.kz.

«Әр демалыс сайын елорда тұрғындарын жасыл желек отырғызуға шақырамыз. Жалпы алғанда, біз қала ішінде 200 мың, ал елорданың айналасындағы жасыл белдеу аумағына 800 мың ағаш отырғызамыз. Қаланы көгалдандыру экологиялық жағдайды жақсартуда маңызды рөл атқарады. Олар климатқа әсер етеді, шуды азайтады, шаңды өзіне сіңіреді, биоәртүрлілікті қолдайды», деді Нұр-Сұлтан қаласы әкімінің орынбасары Нұрлан Солтамбеков.

Әкім орынбасарының айтуынша, жыл соңына дейін қала аумағын абаттандыру аясында тағы 22 қоғамдық кеңістік ашылады. Атап айтқанда, Президент саябағында спорт және балалар алаңы, ит серуендететін орын ашу жоспарланып отыр.

«Бүгінгі акция аясында 113 га аумаққа созылған саябаққа қарағай, терек, емен және қайың көшеттері отырғызылды – барлығы 200-ден астам ағаш. Жақын арада 1000-ға жуық ағаш отырғызу жоспарланған», деп жазады Нұр-Сұлтан әкімдігінің ресми сайты.

Соңғы жаңалықтар

Доллар арзандады

Қаржы • Бүгін, 17:01

Ұқсас жаңалықтар