Қазақстан • 08 Қыркүйек, 2021

Алматыда Президенттің еңбектері жинақталған кітап таныстырылды

437 рет
көрсетілді
1 мин
оқу үшін

Бүгін Алматыда Сыртқы істер министрлігінің Алматы қаласы Өкілдігінің ұйымдастыруымен «Қасым-Жомарт Тоқаев. Қазақстан Республикасы Президентінің таңдамалы еңбектері» кітабы таныстырылды, бұл жиынға Алматының саяси элитасы ғана емес, осы қалада тіркелген дипломатиялық корпус өкілдері де қатысты, деп хабарлайды Egemen.kz.

Алматыда Президенттің еңбектері жинақталған кітап таныстырылды

Басылымның жауапты редакторы Халықаралық және аймақтық ынтымақтастық ғылыми-зерттеу институты директоры Болат Сұлтанов оқырмандар назарына ұсынылып отырған жинақты Қазақстан – неміс университетінің Халықаралық және аймақтық ынтымақтастық ғылыми-зерттеу институты тарапынан әзірлеп, жарыққа шығарғанын, бизнес жоба емес екенін, сатуға да арналмағанын ескертті.  

Болат Қылышбайұлының атап өтуінше, Конституцияда елімізді басқарудың президенттік формасы бекітілген. Түрік көшбасшысы Ердоған елінде парламенттік республикадан президенттік республикаға көшуді жүзеге асырғанын еске түсірген Болат Қылышбайұлы  Қырғызстанда да республика президенттікпен парламенттікке, одан кейін қайтадан президенттікке трансформация жасалғанын жиналғандардың қаперіне салып өтті.

«Бұл мысалдар күрделі саяси жағдайда мықты президенттік билік және соған орай Президенттің халық пен мемлекет алдындағы жеке жауапкершілігі ішкі саяси ауалды тұрақтандыруға әрі елдің өңірегіндегі сыртқы саяси жағдайды түбегейлі өзгертуге мүмкіндік беретіндігін дәлелдейді», дейді Болат Сұлтанов.

Айта кетсек, аталмыш кітаптың таныстырылымы Болат Қылышбайұлының 70 жылдық мерейлі жасына тура келді.  

Сыртқы істер министрлігінің Алматы қаласы Өкілдігінің жетекшісі Асқар Шоқыбаев дипломат, тарихшы һәм саясаттанушыны мерейлі жасымен құттықтады.