Алматыда ғылым мен технологиялардың 2030 жылға дейінгі даму жоспары ұсынылды
Алматы қаласындағы Ғылым ордасында «Ұлттық мемлекеттік ғылыми-техникалық сараптама орталығы» АҚ пен Білім және ғылым министрлігі «Синергия: ғылым, бизнес және қоғамды біріктіру» тақырыбында алқалы жиын ұйымдастырды.
Алматыда ғылым мен технологиялардың 2030 жылға дейінгі даму жоспары ұсынылды
Алматы қаласындағы Ғылым ордасында «Ұлттық мемлекеттік ғылыми-техникалық сараптама орталығы» АҚ пен Білім және ғылым министрлігі «Синергия: ғылым, бизнес және қоғамды біріктіру» тақырыбында алқалы жиын ұйымдастырды.
«Синергия» форумы – ғылым мен технологиялардың әлеуетін ел экономикасын біріктіруге және оны әлеуметтің өзекті мәселелеріне жұмылдыруға бағытталған ғылыми орта, бизнес арасындағы диалог жүргізу алаңы. Сонымен, Қазақстанда ғылым мен технологияларды 2030 жылға дейін дамыту мәселелерін талқылау мақсатында форумға 500-ге тарта адам қатысты.
Форум кезінде Қазақстан үшін маңызды – ұлт салауаттылығы, биотехнологиялар, жаңа материалдар мен технологиялар, ақпараттық және коммуникациялық технологиялар, ауылшаруашылық сектордың тұрақты дамуы, тамақ өнімдерін өңдеу және олардың қауіпсіздігі, машина құрастыру сияқты 8 басым бағыт бойынша тұсаукесерлер өткізілді.
Форум шеңберінде ҚР БҒМ тапсырмасымен алғаш рет «ҰМҒТСО» АҚ «Жүйелі анализ және ғылымды болжамдау» жобасы бойынша өткізілген форсайт-зерттеулердің нәтижелері ұсынылды. Форсайтты стратегиялық шешімдер қабылдау әдістемесі ретінде 1970 жылдардан бастап, бүгінде технологиялық көшбасшылар қатарына көтерілген Жапония және Оңтүстік Корея енгізе бастаған. Ал 2011 жылдан бері ғылымды алдыңғы қатарда көрсетуге мүмкіндік беретін трендтердің «алдын алу» тәжірибесін Қазақстан да игерді.
Жобаны іске асыру үшін «ҰМҒТСО» АҚ мемлекеттік органдар, зерттеу ұйымдарының, «үлкен төрттік» компанияларының және басқа да беделді көздер мәліметтерін талдау бойынша орасан зор жұмыс атқарып отырғанын айта кетуге болады. Оны дайындауға еліміздің ғылыми ұйымдарынан, академиялық және бизнес ортасынан мыңнан астам өкілдер қатысты. Жобаға байланысты Манчестер Университеті (АҚШ), KISTEP (Оңтүстік Корея) және Финляндия Академиясынан салалық талдау және жоспарлау саласындағы белгілі халықаралық сарапшылар кеңес берген.
«Ұлт денсаулығын сақтауға және жақсартуға ықпал ететін экспортқа бағытталған экологиялық таза ауылшаруашылық өнімдері» пәнаралық зерттеу шеңберінде ұсынылатын шараның бірі – өндіру барысында өнім бірлігінің өзіндік құнын кемінде 30 пайызға төмендету мүмкіндігін беретін жаңа ауылшаруашылық машиналар мен жерді пайдалануға бейімделген жүйе негізінде топырақ қорғау технологияларын енгізу ұсынылады.
Оған қоса «Жасыл» технологиялар негізінде таза экологиялық орта» тазартылатын өнімдерден пайдалы компоненттерді алумен сарқынды суды тазарту жүйесін өңдеу қажеттілігі атап өтілген.
«Қуаттылығы тиімді және қуат үнемдеу қоғамы» атты зерттеуде «жасыл» энергетиканы дамыту үшін қаржылық және заңнамалық ынталандыру қажеттілігіне ерекше назар аударылған.
Ғылыми қауымдастық ұсынған технологиялардың жалпы саны 300-ден асып жығылады және оларды өңдеу үшін 500-дей ғылыми тақырып бойынша зерттеу жүргізуді қажет етеді. Қысқасы, форумда әзірленген ұсыныстар портфелі еліміздің 2030 жылға дейін ғылыми-технологиялық салада дамуына арналған шешімдер шығару үшін, тиісті мекемелерге ұсынылатын болады.
Айнаш ЕСАЛИ,
«Егемен Қазақстан».
АЛМАТЫ.
