Білім • 09 Қыркүйек, 2021

Білім қызметкерлеріне ерекше медаль беріледі

273 рет
көрсетілді
1 мин
оқу үшін

Білім және ғылым министрлігі ҚР Үкіметінің құрылымына кіретін кейбір мемлекеттік органдардың ведомстволық наградаларына толықтыру енгізілетін Үкімет қаулысының жобасын дайындады, деп хабарлайды Egemen.kz.

Білім қызметкерлеріне ерекше медаль беріледі

ҚР Білім және ғылым министрлігінде «Әлемге Махаббатпен» медалі пайда болады.

«Әлемге махаббат» медалімен өскелең ұрпақты адамгершілік-рухани тәрбиелеу және тәрбиелеу жүйесін дамытуға үлес қосқан, адамгершілік-рухани білім берудің өзекті мәселелері бойынша зерттеулер жүргізген, оқу-тәрбие процесіне адамгершілік-рухани білім беруді іске асыру үшін жаңа білім беру технологияларын енгізген педагогикалық немесе ғылыми-педагогикалық жұмыс өтілі 10 жыл және одан да көп білім беру ұйымдарының қызметкерлері марапатталады. 

Медаль диаметрі 31.8 мм шеңбер нысанындағы жезден дайындалады, медальдің аясы күңгірттелген.

Бет жағында шеңбердің жиектерінде ақ фонда алтын түстес «Әлемге Махаббатпен» деген жазу орналасқан.

Шеңбердің ортасында алтын-сары түсті шұғылалы күн дискісі бар. Күн дискісінде тұмсығында бұтақ ұстаған тасбақа бейнеленген.

Қаулы жобасы 22 қыркүйекке дейін «Ашық НҚА» сайтында талқылау үшін орналастырылған.