Қазақстанда тыйым салынған «Талибан» террористік қозғалысы Ауғанстандағы билікті басып алғалы елдегі 153 БАҚ жұмысын тоқтатқан. Бұл туралы Tolo News БАҚ бостандығын қорғайтын ұйымдарға сілтеме жасап хабарлайды.
Түрлі телеарналар, радиостанциялар мен баспа басылымдары жұмысының тоқтауына қаржылық проблемалар мен жаңа билік енгізген шектеулер себеп болды. Ауғанстанның Ұлттық журналистер одағының өкілі Масрур Лутфидің айтуынша, егер халықаралық ұйымдар бұл мәселені шешу үшін шара қолданбаса, «Ауғанстандағы БАҚ бостандығы аяқталатын» күн алыс емес.
