Президент • 15 Қыркүйек, 2021

Білім – аса құнды капитал

51 рет көрсетілді

Мемлекет басшысы кезекті Жол­дауында алда тұрған маңызды бағыт­тарымыз бен мақсат-мұрат­тарымызды анықтап берді.

Қазір әлемде жағдай айтарлықтай ауыр. Бұл коронавирус пандемиясының салдары. Күн сайын эпидемиялық жағ­дайдың бағалау көрсеткіштері көңіл көншітпейді. Бұл барлық елге үлкен қиындықтар алып келді. Экономикалық өсу көрсеткіштерін төмендетті. Денсау­лық сақтау саласына айтарлықтай күш түсті. Білім беру саласында онлайн өмірді қалыптастырды. Иә, барлық салада онлайн жұмыстар жүріп жатқанымен, білім беру, ғылым салаларында бұл жұмыстардың дәстүрлі форматтағыдай болмайтындығына тағы бір көзіміз жетті. Бұл қиындықтарды да кезең-кезеңмен еңсерерміз. Президент осы мәселелерді өз Жолдауында «Пандемия кезінде қашықтан оқытудың нәтижесі ұлттық телекоммуникация желілерінің тиімділігі төмен екенін көрсетті. Мұндай ахуал негізгі, қарапайым білімнің өзін меңгере алмаған оқушылардың саны артуына әкеп соқты. Тағы бір проблема, нағыз қиындық осы деуге болады, балалар оқуын тастап кетіп жатыр. Өйткені білім алуды қажет деп санамайтын болды», деп атап көрсетті.

Бүгінде оқушылар, студенттер, жас ғалымдар мен ұстаздар білім беру мекемелері мен оқу орындарында жүз­десті. Бұл сәтті шәкірт те, ұстаз да асыға күтті. Бұл әлеуметтік филосо­фия­­дағы шынайы өмірдің виртуалды өмірден әлде­қайда маңызды және құн­ды­лық екендігін түсіндірді. Онлайн білім беру­дің пайдасы қосымша пәндер мен жеке қызығушылықтар үшін таптырмас мүмкіндік, ал жалпы білім алуда дәс­түрлі форматтың жөні бөлек.

Білім – аса құнды капитал. Сондықтан білімге инвестиция салу өзіңді шыңдап қана қоймай, еліне, жеріне, Отаныңа қызмет ететін маңызды қадам екенін естен шығармау керек. Білімді мамандары бар мемлекетте өмір сүрудің барлық жағдайы тұрақты әрі сапалы болады. Ол сіз бен біздің денсаулығымызды, өмірімізді ұзартатын бірден-бір фактор. Сондықтан Президент Жолдауындағы сапалы білім беру қағидаты әр уақыт­та маңыздылығын жоғалтпайтын жауап­кершілігі мол міндет. Білім капиталы мықты елдің қай саласында да ілгерілеу болатыны анық. Сондықтан білім капиталын арттырып, ғылымға да терең мән бергеніміз абзал. Өйткені ғылым ұлт дамуының негізгі көрсеткіші.

Президент Жолдауда: «Ғылымды дамыту – біздің аса маңызды басым­дығымыз. Бұл саладағы түйткілдердің шешімін табу үшін жылдың соңына дейін заңнамаға өзгерістер енгізу қажет. Ең алдымен, жетекші ғалымдарымыз­ға тұрақты және өз еңбегіне лайық­ты жалақы төлеу мәселесін шешу керек. Мұны ғылымға бөлінетін базалық қаражат есебінен қамтамасыз еткен жөн», деп тиісті министрлік пен ғылыми мекемелерге, оқу орындарына тапсырма жүктеді. Сонымен қатар ғалымдардың ғылыми жобаларына берілетін уақыт­ты да арттыру керектігін баса айтты. Бұл маңызды шешім болды. Өйткені ғылыми жобаларды бір немесе бірнеше жылда аяқтап шығу асығыстық болатыны сөзсіз. Сондықтан бұл мәселеге Президент аса мұқият қарап, уақы­тын созуды жанашырлықпен жеткізді. Отандық ғалымдарымыз үшін бұл жақсы жаңалық болғаны сөзсіз.

Президент Жолдауы – уақыт талабына сай жауап беретін маңызды құжат. Сондықтан оның әр бөліміндегі көтерілген мәселелер мен тапсырмалар ұлт ертеңі үшін атқарылатын нақты жол. Сол жолда жолымыз ашық, еңбегіміз жемісті болғай!

 

Досжан БАЛАБЕКҰЛЫ,

әл-Фараби атындағы Қазақ ұлттық университеті философия және саясаттану факультетінің оқытушысы

 

АЛМАТЫ

 

Соңғы жаңалықтар

Алматыда бақылау күшейтілді

Коронавирус • Бүгін, 14:08

Ақша емес, абырой қымбат

Бокс • Бүгін, 13:04

Күршім өзені де ластана бастады

Экология • Бүгін, 12:38

Тіліксіз ота жасалды

Медицина • Бүгін, 12:20

Алматы маңында жер сілкінді

Аймақтар • Бүгін, 09:35

Алматы облысы «қызыл» аймаққа өтті

Коронавирус • Бүгін, 09:15

Спорт жаңалықтарына шолу

Спорт • Бүгін, 09:07

Саранның ұзын сәкісі

Қазақстан • Бүгін, 09:05

Көбелектер көрмесі

Өнер • Бүгін, 09:04

Қарсыластар анықталды

Спорт • Бүгін, 08:59

Жәудір ана

Таным • Бүгін, 08:56

Физикалық уран қорына қатысады

Экономика • Бүгін, 08:46

543 млрд теңгенің өнімі өндірілді

Экономика • Бүгін, 08:44

Басқа басылымдарға шолу

Әлем • Бүгін, 08:41

Үш жылдық бюджет мақұлданды

Саясат • Бүгін, 08:25

Үлкен қалада адасу

Руханият • Бүгін, 01:10

Ақыл алыбы

Руханият • Кеше

Ұқсас жаңалықтар