Аймақтар • 16 Қыркүйек, 2021

Жүзден жүйрік шықты

29 рет көрсетілді

Qazaqstan Ұлттық арнасының Daryn зияткерлік телевизиялық олимпиа­дасында бақ сынаған қарағандылық оқушы Нұрсұлтан Таңат 190 балл жинап, тамаша нәтижеге қол жеткізді. Атап айтқанда, ол Қазақстан-Британ техникалық университетінің білім грантын жеңіп алды.

Нұрсұлтан Таңат Қарағанды­дағы «Дарын» мамандандырылған мектеп-интернатының 9-сыныбында оқиды. Жас өрен телевизиялық тартыста соншалықты қиындықты сезінбегенін айтады.

– Себебі, мен өзіме сенімді бол­дым және сұрақтарға мүдірместен бірден жауап беріп отырдым. Асығып, теріс жауап берген кездерім де болды, әрине. Айта кету керек, финалға қатысқан 12 баланың бәрі де мықты болды. Өзімнің жолым болып, жеңіп шыққаныма қатты қуанышты­мын, – дейді ол.

Жалпы, аталған телевизиялық олимпиадаға еліміздің әр қиырынан 9-сыныпта оқитын 310 өрен бақ сынады. Төрт турдан тұрған зияткерлік ойынның финалдық кезеңінде 12 үміткер өзара тартысқа түсті.

Тележобада Алаш қайраткер­лерінің жұмыстары, қазақстандық ғылым, спорт, өнер, медицина же­тістіктері, әдебиет, мәдениет туын­дылары, тарихи оқиғалар, ауылшаруа­шылық, жасанды интеллект және басқа да салалар сайыстың не­гізгі өзегі болды.

Жүзден жүйрік шыққан Нұрсұлтан Таңат Қазақстан-Британ техникалық университетінің менеджмент және басқару факультетін тәмамдаған соң, болашақта ірі компаниялардың біріне жетекшілік етуді армандайды.

 

ҚАРАҒАНДЫ

 

Соңғы жаңалықтар

9 су қоймасы салынады

Экология • 22 Қазан, 2021

Ұқсас жаңалықтар