Биыл тамыз айында 2003 жылы Алтай өлкесінде Ресей Федерациясының азаматтығын алған Өскемен қаласының тұрғыны анықталды. Ол Қазақстан Республикасына кірген кезде ҚР азаматының жеке басын куәландыратын құжатты пайдаланып жүрген.
Қос азаматтығы барлардың басым көпшілігі ҚР азаматының құжаттарын тапсыру қажеттілігін білмегендіктен қалдырғанын айтады. Десе де, мұндай қадамға қасақана барғандар да бар. Мәселен, тәртіп сақшылары 17 жыл бұрын Новосибирск қаласында Ресей Федерациясының азаматтығын алған Семей қаласының тұрғынын анықтады. Алайда осы жылдар бойы Семейде тұрып, Қазақстан Республикасы азаматының құжаттарын пайдалана отырып, біздің елде де, Ресейде де зейнетақы алып келген.
Құқық бұзғандардың барлығына 100 АЕК мөлшерінде айыппұл салынды.
«Шетелдіктерден ҚР азаматының жеке куәлігі мен паспорты алынып, Қазақстан Республикасының азаматтығынан айырылды, деді ШҚО көші-қон қызметі басқармасының бастығы Ербол Бекпаев.
