Балқаш ауданының жұқпалы аурумен ауыратын тұрғындары бұрындары Қаскелең қаласына барып, емделетін. Аудан орталығынан 100-200 шақырым қашықтықта орналасқан Құйған, Жиделі, Қарой, Көктал тәрізді елді мекендерде тұратын науқастарды жол азабымен қатар, қаражат жағы да біршама қинайтын. Осыны ескерген аудан әкімі Бейсеғали Жүнісов жауапты жоғары орындар алдына осы мәселені оң шешуді табандылықпен қойып жүрген-ді. Олай дейтін себебіміз, жұқпалы ауруларды емдейтін аурухананы ашу үшін облыстық бюджеттен 2011 жылы 31 миллион теңге бөлінген болатын. Ескі аурухана ғимараты күрделі жөндеуден өткізілгенімен, оны ашуға ол жылы штат бірліктері бөлінбеді. 2012 жылы 3 миллион теңгеге каризі қайтадан жасалынды. Сөйтіп, жақында ғана ол аурухана Балқаш ауданы тұрғындары үшін есігін айқара ашты.
Балқаш ауданының жұқпалы аурумен ауыратын тұрғындары бұрындары Қаскелең қаласына барып, емделетін. Аудан орталығынан 100-200 шақырым қашықтықта орналасқан Құйған, Жиделі, Қарой, Көктал тәрізді елді мекендерде тұратын науқастарды жол азабымен қатар, қаражат жағы да біршама қинайтын. Осыны ескерген аудан әкімі Бейсеғали Жүнісов жауапты жоғары орындар алдына осы мәселені оң шешуді табандылықпен қойып жүрген-ді. Олай дейтін себебіміз, жұқпалы ауруларды емдейтін аурухананы ашу үшін облыстық бюджеттен 2011 жылы 31 миллион теңге бөлінген болатын. Ескі аурухана ғимараты күрделі жөндеуден өткізілгенімен, оны ашуға ол жылы штат бірліктері бөлінбеді. 2012 жылы 3 миллион теңгеге каризі қайтадан жасалынды. Сөйтіп, жақында ғана ол аурухана Балқаш ауданы тұрғындары үшін есігін айқара ашты.
Оның ашылуына арналған салтанатқа Бақанас селосының тұрғындары көп жиналды. Аудан әкімі Б.Жүнісов тұрғындарды қуаныштарымен құттықтағаннан кейін аудандық ардагерлер кеңесінің төрағасы Ұ.Несіпбаев ағынан жарылып, батасын берді. Көркемөнерпаздар ән салды.
Жақанбай ҚОЖАБАЕВ.
Алматы облысы,
Балқаш ауданы,
Бақанас селосы.
