Коронавирус • 20 Қыркүйек, 2021

Солтүстік өңірде вакциналау сылбыр

19 рет көрсетілді

Жаман індетке қарсы күресте вакцинаны жаппай алуды насихаттайтын «Елім үшін егілемін» атты тәуелсіз бірлестіктің мүшелері өткен аптада Петропавл қаласында болып, бірнеше кездесу және журналистерге арналған баспасөз мәслихатын өткізді.

Топ мүшелерінің айтуларына қарағанда, қазір насихат тобының азаматтық штабына 200-ге жуық жоғары білікті маман еніп отыр. Олардың қатарында медицина, кәсіпкерлік және қоғамдық салаларда ел назарына ілініп жүрген белсенділер, атап айтқанда, Вячеслав Локшин, Жібек Жолдасова, Рафаил Розенсон, Динара Сәтжан, Рахым Ошақбаев және т.б. бар.

Р.Ошақбаев жаман індетті құрықтау жолында вакцинаның рөлі зор екеніне түрлі дәлел келтірді. Коронавируспен сырқаттану әлі де азаймай тұр. Солтүстік  Қазақстан облысында 26 тамызда антирекордтық көрсеткіш тіркеліп, бір тәулікте 171 адамның бойынан ковид індеті табылған. Қазіргі жағдай одан екі есе төмен болғанына қарамастан, сырқаттану серпінінің төмендемеуі алаң­датады. Вирусты жұқтыру қарқыны бойынша Қазақстан қазіргі уақытта 100 мың адамға шаққанда әлемде 30-орынды иеленеді. Ең көп жұқтыру 2021 жылғы 7 тамызда тіркелді, ол кезде жұқтыру көрсеткіші 8 325 адам болған. Ал бір ғана 19 тамызда елде 163 адам індеттен қайтыс болған. Қазіргі уақытта аурудың шарықтау шыңы өтті, бірақ өлім саны әлі де жоғары деңгейде. Осы секілді деректерді алға тарта келіп, аза­маттық штабтың белсенділері вакцина алу пандемияны тоқтатудың жалғыз жолы екенін жеткізді.

Штаб белсенділері қазір елімізде вакцина алу қарқынының төмендегенін атап өтті. Мәселен, шілде айының ортасында тәулігіне 130 мың адамға дейін вакцина алса, қазір небәрі 30 мың қазақстандық иммундалуда. Солтүстік Қазақстан облысында вакциналау қарқыны жалпы республикалық деңгейден біршама артта қалып отыр. Бүгінгі таңда вакцинаның толық курсын 209 мың адам алған. Бұл вакцина алуға ниет білдіргендердің 67%-ы.

«Елдегі жағдай өткен жылмен салыс­тырғанда ауыр. Биылғы көрсеткіш тәулігіне 8,3 мың болып, алты есеге дейін өсті. Былтыр 15 тамызда амбулаториялық және стационарлық емделуде жүрген 20 мың адам ресми түрде тіркелсе, биыл осы көрсеткіш 117,8 мыңға дейін ұлғайып отыр. Өткен жылы стационарда 3,4 мың адам емделсе, биыл бұл көрсеткіш 31,5 мың адамға дейін жетті. Біз Қазақстанда вакциналау қарқынының өте төмен екенін көріп отырмыз. Бұл пан­демияның жоғары көрсеткіштеріне және өлім-жітімнің көбеюіне әсер етеді. Қазіргі уақытта елімізде вакциналауға жататын 10 млн адамның 7 млн-ы ғана вакциналанды», деді Р.Ошақбаев.

Азаматтық қоғам өкілдері ет жақын­дарының денсаулығы үшін отандастарымызды саналы таңдау жасап, екпе алуға байланысты бірігуге шақырды. Кез­десуге қатысушылар бұл үшін бел­сенді ақпа­раттық жұмыс қажет деген ортақ пікірге келді, өйткені объективті ақпа­раттың жет­кіліксіздігі халықтың иммун­дауға сенім­сіздігіне әкеп соқтырады.

 

Солтүстік Қазақстан облысы

 

Соңғы жаңалықтар

2186 адам коронавирустан жазылып шықты

Коронавирус • Бүгін, 09:30

Елорда «жасыл» аймаққа өтті

Коронавирус • Бүгін, 09:13

1/16 финалға шыға алмады

Теннис • Бүгін, 08:45

«Реал» – Суперкубок иегері

Футбол • Бүгін, 08:40

Андеркардта күш сынасады

Спорт • Бүгін, 08:37

«Алтын тай» Аягөздің еншісінде

Аймақтар • Бүгін, 08:32

Ұқсас жаңалықтар