Таңбалау кодын алу үшін таңбалау жүйесінің ажырамас бөлігі болып табылатын markirovka.kz тауарлардың ұлттық каталогында (НКТ) бұйымның әрбір түріне карточканы толтыру қажет.
Таңбалаудың коды тауардың өндірушіден немесе импорттаушыдан соңғы тұтынушыға дейінгі барлық жолын қадағалауға мүмкіндік береді. Тұтынушының өзі Naqty Onim мобильді қосымшасының көмегімен өнімнің түпнұсқалығын тексере алады.
Аяқ киімнің әр жұбының өзіндік сандық коды болады, бұл нарықты контрафакт пен контрабандадан тазартады.
Data Matrix кодына «тігілген» ақпаратты қолдан жасау мүмкін емес. Таңбалаудың бірегей кодын жасау НКТ-да тауардың барлық сипаттамалары көрсетілген карточканы толтырғаннан кейін жүзеге асырылады.
Тауар картасын құрудың бес қадамы:
- ЭЦҚ-ны egov.kz сайтында онлайн алу.
- NCALayer бағдарламасын жүктеп алып, оны компьютерге орнатыңыз.
- Мarkirovka.kz таңбалау жүйесіне тіркелу.
- «Тауарлардың Ұлттық каталогы» бөлімінде «Тауар карточкасы» қосымша бетіне өтіп, бұйым туралы негізгі мәліметтерді енгізу қажет: моделі, шығарылған елі, аяқ киім түрі, үстіңгі, астыңғы және астыңғы қабаты материалының түрі, бренді, түсі және басқа да ақпарат.
- Аяқ киімнің алдыңғы жағын суретке түсіріп, жүктеу.
Егер өндіруші немесе импорттаушы осы өнім моделі туралы деректерді енгізген болса, ақпаратты қайта енгізудің қажеті жоқ. Айналымның әр қатысушысының жеке сандық тауарлар каталогы жасалады.
Сатылатын өнімдер туралы деректерді енгізу мүмкіндігі таңбалау жүйесінің өнімді нұсқасында қол жетімді.
Сондай-ақ, барлық процестерді, соның ішінде Data Matrix кодтарын алдын-ала дайындауға болатын сынақ ортасы бар. Осылайша тапсырыс берілген кодтар да сынақтан өтеді. Тест-нұсқасы сілтеме бойынша қолжетімді.
