Джонс Хопкинс университеті мәліметі бойынша, АҚШ-та COVID-19-дан қайтыс болғандар саны 676 075-ке жеткен.
Қазіргі уақытта АҚШ-та коронавируспен байланысты өлім-жітім әлемде тіркелген 4,7 миллионға жуық өлімнің шамамен 19 пайызы болды. Ел халқы әлем халқының шамамен 4,2 пайызын құрайтынын ескерсек, бұл үлкен көрсеткіш.
«Менің ойымша, бүкіл әлем Америка пандемияның алғашқы сатысында дұрыс жұмыс жасамағанын біледі», деді Ұлттық аллергия және жұқпалы аурулар институтының медицина тарихшысы Дэвид Моренс.
Бұған дейін Дүниежүзілік денсаулық сақтау ұйымы АҚШ-та коронавирус жұқтырғандар саны 28 миллионнан асқанын және COVID-19 құрбандарының саны үш соғыстағы шығындардан асып түскенін мәлім еткен. Осыған байланысты ақпанның аяғында Байден коронавирустан қайтыс болған америкалықтарға бес күндік аза тұту жариялады.
