Аймақтар • 21 Қыркүйек, 2021

Маңғыстау 5 миллион еуроға қолдан жаңбыр жаудырғалы отыр

282 рет көрсетілді

Қыркүйек айының соңында Маңғыстауда жауын-шашын жаудыратын техниканы іске қосу жоспарлануда, деп хабарлайды Egemen.kz. Бұл туралы «Ферғана» ақпараттық порталына осы жобаны жүзеге асыратын Central Asian Center of Climate Change Technologies (CACCCT) ЖШС бас директоры Алтай Айнабек айтып берді.

12 қыркүйекте CACCCT «Грант Қазақстан» корпоративтік қоры мен облыс әкімдігімен (әкімшілігімен) үшжақты келісімге қол қойылды. А.Айнабектің айтуынша, Маңғыстау облысында, бес кешеннен тұратын Clear Sky Manager-дің бес жабдығы орнатылады.

«Тиімді әрекет ету аймағы - 100 мың шаршы шақырым. Жабдықтар елді мекендерде тұрады, өйткені бізге интернет, электр қуаты және жақсы инфрақұрылым қажет. Біз осы мәселені реттеу үшін әлі де мамандармен жұмыс істейміз. Енді соңғы 10 жылдағы метеорологиялық деректерді, желдің көтерілуі, жауын-шашын деңгейі туралы мәліметтерді күтудеміз. Содан кейін ғана оны қай жерге орнату керектігін шешеміз», деді А.Айнабек.

Оның айтуынша, пилоттық жобаның құны - 5 миллион еуро.

«Мұндай технологиялар Орта Азия аумағында, оның ішінде Қазақстанда алғаш рет қолданылатынын ескеріп, біз 3,8 миллион еуроны инвестициялап отырмыз. Тағы 1 миллион 200 мыңын жеке инвесторлар - фермерлер, мұнайшылар және жобаның жүзеге асырылуын қалайтын азаматтар өз қалтасынан шығармақ», деді ол.

Тәжірибе 13 айға созылады. Маңғыстауда жасанды жауын-шашын тудыруға бюджеттен әлі қаражат қарастырылмаған. Қазақстанның бюджеттік классификациясында бұл үшін қажетті кодтар жоқ, сонымен қатар CACCCT алдымен нәтижені көрсетуге дайын.

Соңғы жаңалықтар

Қанша адам вакцина салдырды?

Коронавирус • Бүгін, 09:40

847 адам коронавирус жұқтырды

Коронавирус • Бүгін, 09:00

Ұқсас жаңалықтар