Түркімен дипломаттарының айтуынша, президенттің денсаулығының нашарлауы туралы хабарлар қисынға келмейді.
«Бірқатар БАҚ-тың Түркіменстан Президентінің денсаулығына қатысты хабарлары мүлде сенімсіз және шындыққа жанаспайды», делінген Ресей Федерациясындағы Түркіменстан Елшілігінің баспасөз қызметі таратқан хабарламада.
Ел президенті өзінің веб-сайтында орналастырылған кестеге сай іс -шараларға үнемі қатысып отыр.
Атап айтқанда, 20 қыркүйекте Гурбангулы Бердімұхамедов Министрлер Кабинетінің онлайн-отырысын өткізді.
Елшілік сонымен қатар «Түрікменстан Президентінің қатысуымен болған соңғы оқиғалар туралы ақпаратты turkmenistan.gov.tm сайтынан табуға болады» деп жазды.
