Әлем • 22 Қыркүйек, 2021

Чехия Президенті ауруханадан шықты

26 рет көрсетілді

Чехия Президенті Милош Земан бір апта емделіп, ауруханадан шығарылды, деп хабарлайды Egemen.kz.

Президент өкілі Милош Земан Прагадағы Орталық әскери университет госпиталінен шығып, медициналық тексеруден өткенін айтты. Ол Президенттің жағдайы мен емделуіне қатысты сұрақтарға жауап бермеді.

Сонымен қатар ол Земанның алдағы күндерге арналған жұмыс бағдарламасы туралы айтты. Чехия басшысы Премьер-Министрдің орынбасары, қаржы министрімен кездеседі, сондай-ақ Бостандық және тікелей демократия қозғалысының жетекшісі Томио Окамурамен келіссөздер жүргізеді.

76 жастағы Земан ауруханаға 14 қыркүйекте түскен. Кейін саясаткер шамалы шаршау және ағзадағы су мөлшерінің төмендеуіне байланысты ауруханаға жатқызылғаны белгілі болды.

Милош Земан - чех мемлекеттік және саяси қайраткері, 2013 жылдың 8 наурызынан бастап Чехияның Президенті. 1993 жылдан 2001 жылға дейін чех социал-демократиялық партиясын басқарған.

Соңғы жаңалықтар

Айбергенов күнделігі

Әдебиет • Кеше

Кофе және әдебиет - 6

Әдебиет • Кеше

Жасанды интеллект дәуірі

Технология • Кеше

Ұқсас жаңалықтар