Аймақтар • 24 Қыркүйек, 2021

USAID Маңғыстау облысына қомақты қаржы бөлетін болды

19 рет көрсетілді

АҚШ Халықаралық даму агенттігі (USAID) Маңғыстау облысындағы қуаңшылықтан зардап шеккен адамдарға көмек көрсету үшін 100,000 АҚШ долларын беретіні туралы мәлімдеді, деп жазады Egemen.kz

USAID Қазақстанның Қызыл Жарты ай ұйымына қуаңшылықтан зардап шеккен халықтың ең осал топтарына қолдау көрсету үшін 100 000 АҚШ доллары көлемінде грант ұсынды.

«Маңғыстау облысындағы қуаңшылық мыңдаған түліктің қырылуына, егіс алқаптарының жойылуына және тұщы судың онсыз да жұтаң ресурстарының сарқылуына алып келді. Мал шаруашылығы осы өңірдегі негізгі кіріс көзі болғандықтан, табиғи апат айтарлықтай залал келтірді. Қуаңшылық салдарынан сүт пен ет өндіру көлемі төмендеді. Ол жергілікті халықтың тіршілігіне кері әсерін тигізіп жатыр», деп жазды USAID.

Малынан айырылған 200-ден астам үйге қаржылай көмек беріледі. Оның мөлшері отбасының әр мүшесі үшін күнкөріс минимумына сүйеніп есептеледі. Шамамен бір үй шаруашылығына шаққанда 170 000 теңгеге дейін айналады. қаражат жағдайды бағалап, көмекке мұқтаж отбасыларын анықтағаннан кейін аударылады.

 

Соңғы жаңалықтар

9 су қоймасы салынады

Экология • 22 Қазан, 2021

Ұқсас жаңалықтар