Әлем • 28 Қыркүйек, 2021

Сидней қайта ашылуға дайын

18 рет көрсетілді

Сиднейдегі карантинді келесі айдан бастап тоқтату жоспары белгілі болды. Де­генмен екпе салдырмаған тұр­ғындарға қарағанда, вакцина алғандардың жүріп-тұруы әлдеқайда жеңілдейді.

Сидней орналасқан Жаңа Оңтүстік Уэльстегі шектеулер 11 қазаннан бастап вакциналау деңгейі 70 пайызға жеткен кезде біртіндеп жойыла бастайды. Бұл туралы Жаңа Оңтүстік Уэльс штатының премьер-министрі мәлімдеді. Сондай-ақ вакциналау деңгейі 1 желтоқсанда шамамен 80 пайыз, содан кейін 90 пайызға жетеді деген болжам бар.

Толық вакцина салдырмаған адамдар қоғамдық, спорттық іс-шараларға қатысу, мейрамханаларда түскі ас ішу және дүкенге бару сияқты күнделікті тірлікпен айналыса алмайды.

Аймақ басшысы Глэдис Бережиклян достарымен еркін кешкі ас ішіп, үйге қонақ шақырғысы келетіндер міндетті түрде вакцина салдыруы керек деген пікірде.

Сидней Мельбурнмен және ел астанасы Кан­беррамен бірге COVID-19 індетінің үшінші тол­қыны үш қалада таралғанда карантинге жабылған еді. Ел билігі коронавирустың жаңа үлгісі – «дельтамен» күресу үшін осындай қатаң шаралар қабылдауға мәжбүр болған.

Соңғы жаңалықтар

ПИК пен МИБ-тің «шайқасы»

Қазақстан • Кеше

Көлікқұмарларға арналды

Экономика • Кеше

Қымбат ем-дом қолжетімді

Медицина • Кеше

Өлке тәжі – Өлеңті

Аймақтар • Кеше

Ақшоқыда арқар атқан...

Аймақтар • Кеше

Ұқсас жаңалықтар