Насихатшылардың нәтижелі жұмысы

Жер-жерде Елбасы Жолдауын елге түсіндірген ақпараттық-насихаттық топ жұмыс істеп жатыр. Басты міндет – Елбасының  алдымызға қойып отырған ұлы міндеттерін ұғындырып, соған жетер жолдың қандай екенін көрсету. Қызылорда облысындағы ақ­­параттық-насихаттық топты аймақ басшысы Қырымбек Кө­шер­баевтың өзі басқарып, аудандарды аралап жүр. Құрамында Қазақстанның қос Еңбек Ері Абзал Ералиев пен Юрий Пя бар топ Арал, Қазалы, Қармақшы ау­­дандарын аралады. Оқырман та­рапынан «Пя неге жүр?» деген сұрақ туындауы мүмкін. Өйт­кені, Юрий Пяның кіндік қаны тамған жер – Қызылорда облысы. Атақты дәрігер Қармақшы ауда­нындағы ІІІ интернационал ауылында өмірге келген. Бі­рақ ертеректе көшіп кеткен. Жол­дауды насихаттау барысында Ең­бек Ері өзі туған үйге барып, балалық шағымен қауышқандай болды. Облыс әкімі Қырымбек Кө­шербаев, Қазақстанның Еңбек Ері Абзал Ералиев, облыстық мәс­лихаттың хатшысы Бекмырза Еламанов бастаған ақпараттық-насихаттық топ Шиелі, Жаңа­қор­ған аудандарында болды. Олар ең бірінші Жаңақорған ауда­­нындағы кезінде белді шаруа­шылықтардың бірі болған, бұл күндері де ұжымдасып тір­ші­лік етудің өзіндік үлгісін қалып­тастырған Түгіскен ауылына барды. Түгіскендегі Әнуар Әбу­тә­ліпов атындағы орта мектеп 600 орындық жаңа ғима­ратқа көшті. Мұнда қазір ауыл ба­лалары бір ауысымда оқып, кең де жарық ка­бинеттерде дәріс алып жатқан жайы бар. Әкім бастаған алқалы топ осы мек­тептің жұмысымен та­нысып, ауыл тұрғындарымен кез­десіп, пікірлесті. Шиелі ауданындағы Еңбекші ауылындағы жаңа мектеп те пай­далануға берілді. Бұған дейін апат­ты мектепте білім алып кел­­ген балалардың қуа­ны­шын­да шек жоқ. Ауыл ақсақал­дары Ел­ба­сының сындарлы саяса­ты­ның, аймақ басшы­сы­ның нақты жұ­мы­сының арқа­сында мектептің тез және сапалы салынғаны, солайша ел игілігіне айналғаны туралы ай­тып, ілтипаттарын жеткізді. Мек­­тепті толық аралап шыққан ақ­па­раттық-насихаттық топ өкіл­дері жас жеткіншектердің бола­ша­ғына ақ жол тіледі. Сапары барысында облыс басшысы тоқсан жастың тө­рін­дегі Социалистік Еңбек Ері Шы­рын­күл Қазанбаеваның отбасында болды. Кешегі күн мен бүгіннің қос Еңбек Ерін қатар көрген, Ера­лиевтің Қазанбаевадан бата алғанын көрген де бір ғанибет екен. Онан соң Ыбырай Жақаев атындағы мұражайға барды. Дала академигі атанған атамыздың бюстіне гүл шоқтарын қойып, ауыл адамдарымен жүздесті. Бұл да өткенге құрметтің бір бел­гісі еді. Жаңақорған және Шие­лі аудандарының актив жиы­нын­да аймақ басшысы тарихи құжат­тағы басым бағыттарды кең көлемде тарата әңгімеледі. Осы мақсатта түйінді ойлары­мен бө­лісті. Сыр өңірінің өт­кен жыл­­дың қорытындысы бойын­ша, эко­номикалық-әлеу­мет­тік сала­дағы қол жеткен жетіс­тік­теріне тоқ­талды. Әкім актив жиындарындағы сөзіне мұнай-газ саласының жаңа орындарын барлау, оңтүстік аудандарда металлургия мен уран өндірісін дамыту, «Шалқия» ке­нішін қайта іске қосу, шыны зауытының құрылысын салу, орта және шағын кәсіпкерлікті қолдау мен өрістетудің тың қа­дам­дарын арқау етті. Сондай-ақ, байырғы дақыл – күрішті жа­ңа технология­мен өсіріп, сапа­сын арттыру және де саланы әрта­рап­тандыру сөз болды. Ержан БАЙТІЛЕС, «Егемен Қазақстан». Қызылорда облысы.