Әлем • 28 Қыркүйек, 2021

Қоғамдық орында шылым шегуге тыйым салынды

82 рет көрсетілді

Қырғызстан Президенті Садыр Жапаров темекі шегуге қарсы күрес туралы заңға қол қойды. Бұл туралы «Кабар» агенттігінде өткен баспасөз мәслихатында Ұлттық кардиология және терапия орталығының директоры Ақпай Сарыбаев мәлім етті, деп хабарлайды Egemen.kz.

«Мен баршаңызды 3 күн бұрын Президент Садыр Жапаровтың темекі шегуге қарсы күрес туралы заңға қол қоюымен құттықтаймын. Бұл жүрек-қан тамырлары аурулары мен қатерлі ісікке қарсы күрестегі үлкен жеңіс. Бұл заң көптеген шараларды қамтиды», деді ол.

Парламент сайтында Қырғызстан парламентінің депутаттары 29 шілдедегі отырыста «Қырғыз Республикасы азаматтарының денсаулығын темекі, никотин және аэрозольдің әсерінен сақтауға» қатысты заңға түзетулер енгізгені жайлы жазылған.

Заң жобасы бойынша қоғамдық орындарда темекі өнімдерін, оның ішінде электронды темекі, кальян және қоспаларды қолдануға тыйым салынады. Сонымен қатар кафе мен мейрамханаларда кальянға тыйым салынады.

Соңғы жаңалықтар

Айбергенов күнделігі

Әдебиет • Кеше

Кофе және әдебиет - 6

Әдебиет • Кеше

Жасанды интеллект дәуірі

Технология • Кеше

Ұқсас жаңалықтар