«Шетелде Қазақстан Республикасы азаматының төлқұжатын алуға үміткер Қазақстан Республикасының азаматтарынан, шетелдіктерден және азаматтығы жоқ адамдардан Қазақстан Республикасының визаларын алу кезінде дактилоскопиялық ақпаратты жинау және өңдеу қағидаларын бекіту туралы» Қазақстан Республикасы Сыртқы істер министрінің 2018 жылғы 28 ақпандағы бұйрығының қолданысы 2023 жылғы 1 қаңтарға дейін тоқтатыла тұрсын», делінген құжатта.
29 маусымда Мемлекет Басшысы Қасым-Жомарт Тоқаев «Қазақстан Республикасының кейбір заңнамалық актілеріне мемлекеттік фельдъегерлік байланыс және ішкі істер органдарының қызметі мәселелері бойынша өзгерістер мен толықтырулар енгізу туралы» Заңға қол қойды, ол, атап айтқанда, дактилоскопиялық тіркеу мерзімдерін ауыстыруды көздейді.
«Тиісті қаржыландырудың болмауына байланысты дактилоскопиялық тіркеуді қолданысқа енгізу мерзімі 2023 жылғы 1 қаңтарға дейін тоқтатыла тұрсын», дейді түзетулердің бірі.
Еске сала кетсек, 2016 жылғы 30 желтоқсанда «Дактилоскопиялық және геномдық тіркеу туралы» Заң қабылданды, ол 2021 жылғы 1 қаңтардан бастап күшіне енуі тиіс болатын. Алайда, ІІМ мүдделі мемлекеттік органдармен бірлесіп, 2023 жылғы 1 қаңтардан бастап дактилоскопиялық тіркеу бөлігінде заңдардың жекелеген нормаларын енгізу мерзімдерін ауыстыру туралы ұсыныстар енгізді.
