Спорт • 01 Қазан, 2021

Қазақстан шахматшылары ширек финалда ұтылды

197 рет көрсетілді

Испанияның Ситжес қаласында шахматтан өткен командалық әлем чемпионатында Қазақстанның әйелдер құрамасы ширек финалдан аса алмады, деп хабарлайды Egemen.kz.

Жарысқа қатысушы 12 команда алты-алтыдан екі топқа бөлінді. Құрамында Жансая Әбдімәлік, Динара Сәдуақасова, Меруерт Камелединова және Гүлмира Дәулетова сынды сұлулары бар қазақстандықтар Германия (2,5:1,5) және Америкадан (2,5:1,5) басым түскенімен, Украинаға (1,5:2,5) есе жіберді. Турнирдің басты фавориттерінің бірі – Грузиямен (2:2) тең ойнадық. Соңғы кездесуде қазақстандықтар Польшамен кездесіп, көздеген нәтижесіне қол жеткізе алды. 7 ұпайды олжалаған жерлестеріміз В тобында үшінші орынды иеленді. Алдымызда – Грузия (8 ұпай) мен Украина (7 ұпай). Америка елдерінің құрамасы (3 ұпай) төртінші сатыға табан тіреді.

Ал А тобында Ресей озды. Олар 100 пайыздық нәтиже көрсетті. Одан кейінгі орындарды Үндістан (7 ұпай), Армения (5 ұпай) мен Әзірбайжан (4 ұпай) еншіледі.

Ширек финалда Үндістанмен шеберлік байқастық. Алғашқы кездесуде тең есеп (2:2) тіркелгенімен, екінші матчта жерлестеріміз (1,5: 2,5) жеңіліс тауып, жарысты аяқтады.

Соңғы жаңалықтар

ПИК пен МИБ-тің «шайқасы»

Қазақстан • Кеше

Көлікқұмарларға арналды

Экономика • Кеше

Қымбат ем-дом қолжетімді

Медицина • Кеше

Өлке тәжі – Өлеңті

Аймақтар • Кеше

Ақшоқыда арқар атқан...

Аймақтар • Кеше

Ұқсас жаңалықтар