Спорт • 03 Қазан, 2021

Футзалдан Қазақстан мен Бразилия кездесуін қайдан және қашан көруге болады?

267 рет

көрсетілді

1 мин

оқу үшін

Бүгін, 3 қазанда футзалдан Қазақстан мен Бразилия құрамасы Литвада өтіп жатқан әлем чемпионатының үшінші орнына таласады, деп хабарлайды Egemen.kz.

Дана МЫРЗАҚАДІР

Футзалдан Қазақстан мен Бразилия кездесуін қайдан және қашан көруге болады?

Қазақстан мен Бразилия арасындағы ойынды елорда уақытымен 21:00-де Қазақстан ұлттық телеарнасының тікелей эфирінен және арнаның ресми сайтынан тамашалай аласыздар.

Бразилия командасы топтық кезеңде Вьетнам, Чехия, Панама футзалшыларын оңай ұтса, 1/8 финалда Жапониядан 4:2 есебімен басым түсті. Сонымен қатар, 1/4 финалда Мароккомен кездесіп, 1:0 нәтижесін тіркеді. Тек жартылай финалда Оңтүстік Америка құрлығындағы тұрақты қарсыласы Аргентинаға есе жіберді.

Ал Кака шәкірттері өз тобында Литва және Коста-Рика құрамаларын ірі есеппен ұтып, Венесуэламен тең түсті. Турнирдің 1/8 финалында Таиланд командасына жауапсыз жеті гол соқса, ширек финалда Иран ойыншыларын үйіне қайтарды. Өкінішке қарай, финалға жолдама берілетін маңызды матчте Португалия құрамасына пенальти сериясында есе жіберді.