Енді мұндай рұқсатты «Азаматтарға арналған үкімет» мемлекеттік корпорациясы арқылы алуға болады.
Ол үшін келесі құжаттарды ұсыну қажет:
- ҚР тұрақты тұруға рұқсат беру туралы өтініш-сауалнама.
- Ұлттық паспорттың көшірмесі және түпнұсқасы, азаматтығы жоқ адамның құжаты, қолданылу мерзімі өтініш берген күні күнтізбелік 180 күннен астам. Бірлесіп жүгінген кезде 16 жасқа толмаған баланың туу туралы куәлігінің немесе жеке басын куәландыратын басқа құжаттың көшірмесі және түпнұсқасы;
- Оның азаматтығы бар мемлекеттің жазбаша келісімі, ол ретінде кету парағы не шетелге тұрақты тұруға кетуге рұқсатты растайтын басқа құжат (егер халықаралық шарттарда өзгеше көзделмесе, босқын деп танылған немесе ҚР-да пана берілген шетелдіктер мен азаматтығы жоқ адамдарды және ҚХР-дан келген этникалық қазақтарды қоспағанда);
- Этникалық қазақтарды, Қазақ Кеңестік Социалистік Республикасында немесе Қазақстан Республикасында туған немесе бұрын оның азаматтығында болған бұрынғы отандастарды, сондай-ақ Қазақстан Республикасының халықаралық шарттары негізінде оңайлатылған тәртіппен Қазақстан Республикасының азаматтығын алуға құқығы бар адамдарды және олардың отбасы мүшелерін қоспағанда, өзінің төлем қабілеттілігін растау туралы құжат;
- Азаматтығы тиесілілігі немесе тұрақты тұратын мемлекетте соттылығы (соттылығының болмауы) туралы тиісті мемлекеттің құзыретті органы берген құжат (егер халықаралық шарттарда өзгеше көзделмесе, ҚХР азаматтарының этникалық қазақтарын қоспағанда);
- ҚР тұрақты тұруға 14 жастан 18 жасқа дейінгі баланың нотариалды куәландырылған келісімі;
- Өтініш берушіге тұруға тұрғын үй беру және тұрақты тіркеу есебіне қою туралы жеке немесе заңды тұлғамен нотариалды куәландырылған шарт не нотариалды куәландырылған келісім;
- Шетелдіктер мен азаматтығы жоқ адамдардың Қазақстан Республикасына келуіне тыйым салатын аурулардың жоқтығы туралы шетелдікті медициналық куәландыру туралы анықтама ("шетелдіктер мен азаматтығы жоқ адамдардың Қазақстан Республикасына келуіне тыйым салатын аурулардың тізбесін бекіту туралы"Денсаулық сақтау Министрлігінің 2011 жылғы 30 қыркүйектегі бұйрығына сәйкес);
- Көлемі 35х45 мм бір фотосурет;
- Тиісті мемлекеттің құзыретті органы берген басқа мемлекеттің азаматтығының жоқтығы немесе тоқтатылғаны туралы анықтама (жеке басын куәландыратын құжаттары жоқ адам өтініш жасаған кезде, туу не оның басқа мемлекеттің аумағында тұру фактісі анықталған жағдайда).
- Мемлекеттік бажды төлеу немесе оны төлеуден босату туралы құжат.
Мемлекеттік қызметтердің құны - 4 АЕК (2021 жылы 11 668 теңге).
Қызмет көрсету мерзімі - 45 күнтізбелік күн.
Бұйрық 2022 жылғы 1 қаңтардан бастап қолданысқа енгізіледі.
