Әлем • 06 Қазан, 2021

Трамп 25 жылда алғаш рет Forbes тізіміне енбей қалды

197 рет

көрсетілді

1 мин

оқу үшін

АҚШ-тың бұрынғы президенті Дональд Трамп 25 жыл ішінде алғаш рет Forbes бойынша ең бай 400 америкалықтың тізіміне енбей қалды, деп хабарлайды Egemen.kz.

Дана МЫРЗАҚАДІР

Трамп 25 жылда алғаш рет Forbes тізіміне енбей қалды

Журналдың мәліметінше, рейтингте орын алу үшін Трамптың 400 миллион доллары жеткіліксіз болған. Коронавирус пандемиясы кезінде оның байлығы 600 миллион долларға азайып, 2,5 миллиард долларға жетті. Былтырғы рейтингте ол 339-шы орында болған.

Forbes 400-дегі алғашқы ондықты қазір Джефф Безос, Илон Маск, Марк Цукерберг, Билл Гейтс, Ларри Пейдж, Сергей Брин, Ларри Эллисон, Уоррен Баффет, Стив Балмер мен Майкл Блумберг иеленді.

Еске салайық, АҚШ-та Трампқа қатысты бірнеше тергеу жүріп жатыр, олардың кейбіреулері экономикалық қылмыстарға қатысты. Трамп ұйымы мен оның қаржы директоры салықтық алаяқтық схемасын құрды деп айыпталып жатыр, ал экс-президенттің өзі ірі салық төлемеді деген күдікке ілінді. Трамп «миллиондаған доллар салық төледім» деп мәлімдеді және президенттің жалақысынан бас тартқан жалғыз адам екенін еске салды.