Сәбилерге саулық сыйлаған

Еңбек жолын елордадағы Онко­логия орталығында бастаса, әрі қарай балаларды оңалту бағытында жұмыс істеп келе жатыр. Бұған қоса, Best for Kids қоғамдық қорының және «Дари добро» баста­машыл ұйымының, сон­дай-ақ онко­ло­гиялық диагнозы бар балаларға көмек көрсететін топтың белсенді мүшесі.

Реабилитолог дәрігер тірек-қи­мыл жүйесі бұзылған балаларға жәр­дем­десіп, денсаулықтарын оңалтуға көмектеседі. Латиф Парпиев «Ата-ана­ларға арналған мектеп» және «Реани­мация және интенсивті терапия бөлімі мен жаңа туған сәбилердің патология бөлімі жағдайындағы балаларды ерте оңалту» секілді жобалардың негізін қалады. Екінші жобаға реанимация мен интенсивті терапия кезіндегі түр­лі аурулардың асқынуының алдын алу шаралары енгізілген. Аталған бастамалардың аясында дәрігерлер мен медициналық қызметкерлерге, рес­публиканың әртүрлі қалаларын­дағы ата-аналарға 15-тен астам меди­циналық мастер-кластар өткізілген. Игі бастама Қазақстанда ға­на серпін алып қоймай, шетелдерде де 10 мың­нан астам балаға ем-дом жасалды. Бұдан бө­лек, Латиф Парпиев отандық реабилитолог-дәрігерлермен бірге коронавирус індетімен ауыр­ған науқас­тардың ден­саулығын қалпына кел­тіру үшін бірнеше та­нымдық бейнесабақ тү­сіріп, қамкөңіл жандарға қолұшын соза білді.

Оған қоса, жас дәрігер невро­ло­­гиялық, ортопедиялық, травма­то­логиялық, онкологиялық және жү­рек қан-тамыр жүйесіндегі опера­циядан кейін ересектер мен бала­лар­дың денсаулығын оңалту процеду­раларымен айналысады. Оның не­гізгі міндеттеріне емдік дене массажы, логопедиялық массаж, дене шы­нықтыру, сонымен қатар дене бітімі өзгерген науқастарға ем тағайындау жатады. Ақ халатты абзал жан жұмыс уақытында тірек-қимыл жүйесі бұзыл­ған балаларға көмектессе, бос уақы­тында шала туған нәрестелерге арнайы киім тоқып таратады.

Статистикалық зерттеулер бойын­ша елімізде жыл сайын мыңдаған нәресте шала дүниеге келіп, салмағы 1 000 грам­нан төмен болады екен. Дәрігердің жүн­нен тоқыған киімдері балалардың жүй­ке талшықтарын оятып, олардың ден­сау­лығы тез оң­алып кетуіне септігін ти­гі­зеді. Соны­мен бірге ол күніне 2 жас­қа дейінгі сәбилер мен одан жоғары жас­тағы ско­лиоз дертіне шалдыққан 15-ке жуық нау­қасты қабылдайды. Тағы бір айта кетерлігі, ауыр жағдайда жат­қан сәбилер болса, жансақтау бөліміне барып көмектесіп қайтады екен.

Уақытының тығыздығына қара­мастан, таңертең балаларға бұлшық ет жаттығуы мен гимнастика жасатса, түстен кейін консультация өткізеді. Латиф Парпиевке республиканың түкпір-түкпірінен науқастардың ата-аналары хабарласып, Instagram және WhatsApp желілерінде кеңес сұрайды. Пандемия басталмай тұрып, оған алыс-жақын шетелдерден, әсіресе Ресей мен Украинадан емделуші науқастар көп келген. Алайда індет етек жая бастағаннан кейін емдік іс-шаралары кейінге шегерілген.

Латиф Парпиев секілді ауыр хал­дегі балаларды, оның ішінде 2 жас­қа дейінгі сәбилерді емдейтін реаби­литолог-дәрігерлер саусақпен са­нар­лық. Сондықтан жаныңа медеу, ден­саулығыңа демеу болатын дәрі­герлердің қатары көбейе берсін.