Спорт • 12 Қазан, 2021

«Буревестник» үшінші жеңісіне қол жеткізді

64 рет көрсетілді

Бұл күндері Таиландтың Накхонпатхом қаласында волейболдан ерлер арасындағы Азияның клубтық чемпионаты өтуде.

Бұл жарыста Алматының «Буревестнигі» табысты өнер көрсетуде. Тұсаукесер бәскесінде Ирактың «Соуз Газынан» 2:3 есебімен жеңіліп қалып, көңілімізді біраз жабырқатқан жерлестеріміз есесіне келесі қос кездесуде қарсыластарын ойсырата ұтты.

Атап айтсақ, жергілікті «Нахон Радчасима» мен Шри-Ланканың «СЕБ» клубтарынан 3:0 есебімен басым түсті. Кеше біздің жігіттер Кувейттің «Казмасымен» күш сынасты. Үш сеттік сайыста алматылық волейболшылардың үстемдігі еш күмән туғызған жоқ.

Бұл ойында да 3:0 (25:17, 25:20, 25:22) есебі тіркелді.

Осылайша, 10 ұпайды қоржынға салып, А тобында көш бастаған «Буревестник» плей-оффқа жолдама алды.

 

Соңғы жаңалықтар

Айбергенов күнделігі

Әдебиет • Кеше

Кофе және әдебиет - 6

Әдебиет • Кеше

Жасанды интеллект дәуірі

Технология • Кеше

Ұқсас жаңалықтар